Eskolako guraso taldean nola informatu euskara hutsean, erdaldunak haserretu gabe
"No entiendo, en castellano por favor" eta gisakoak ohikoak dira eskolako guraso Whatsapp taldeetan, baina Irungo Txingudi ikastola publikoan euskara hutsean aritzeko modu erraz eta eraginkorra dute, behar duenarentzat itzulpen sistema berehalakoa ahalbidetuta.
D ereduko ikastetxeko gurasoen Whatsapp taldean dagoen ia edonork bizi izan du estres linguistikoa. Nahikoa da guraso erdaldun elebakar bat egotea, zalantzan jartzeko euskara komunikazio tresna nagusi gisa. Talde bakoitzak bilatzen du bere formula. Norberak hautatu duen hizkuntzan komunikatu ahal izatea erabakitzen du hainbatek, beste talde askotan dena elebitan jartzen bukatzen dute euskaldunek, euskaraz eta erdaraz; erdaldun elebakarrek, ordea, erdaraz baino ez dute idazten. Tentsioa edota liskarra sortu ohi ditu egoerak, behin baino gehiagotan.
Txingudi ikastetxeko guraso elkarteak Whatsappetik Telegramera migratu du berriki eta “elkarte honen muina euskara dela” eta “eredugarri izan behar dugula” aintzat hartuta, mezu bat finkatu du taldean, espainolez. Hona itzulpena: “Telegramera aldatzera eraman gaituen arrazoietako bat da mezuan klik egin eta euskarara itzultzeko aukera duela. Modu horretan, errespetatu (eta normalizatu) egiten da euskararen erabilera ardatz nagusi gisa eta euskal hiztunen eskubide gisa, eta denbora eta espazioa aurrezten dugu, interes orokorreko informazio oro bi hizkuntzatan idazten aritu gabe”. Ondoren, itzulpenerako aukera nola aktibatu azaltzen du mezuak, eta segidan, bideo-tutorial bat ere gehitu dute, eman beharreko pausoekin.
"Denbora eta espazioa aurrezten dugu, interes orokorreko informazio oro bi hizkuntzatan idazten aritu gabe"
Hortik aurrera, familiak informatzeko eskolako guraso elkarteak duen kanal honetan euskara hutsean dira mezu asko eta asko. Formula hau, gainera, beste eskola batzuetan ere badarabilte.
Dena den, itzulpen automatikoaz haratago guraso ez euskaldunak “euskaraz eta euskarara etortzea” ere badu helburu Txingudiko guraso elkarteak, eta horregatik inportantea da kanalean nabarmendu duten oharra: “Norberak euskaraz ikasteko dituen gogo edo indarrak (eta pazientzia, noski) baliaturik, galdetu, interesa erakutsi, eta gu beti egongo gara laguntzeko prest eta pozik, hori baita gure helburua. Beraz, trabarik ez, euskara errespetatu, ikasi eta bultzatzeko”.
Gasteizen egin duten ekitaldian ireki dute izen ematea, laugarren edizioa hasteko bi hilabete falta direla. Erakundeetako ordezkariak, herritarrak eta entitateetako kideak agertu dira, besteak beste. Euskaraldiaren koordinazioa Euskal Herriko erakunde publikoen eta Taupa... [+]
Korrikaren "bihotza eta burua" erakutsiko ditu dokumentalak. Proiektua gauzatzeko, herritarren babesa "ezinbestekoa" izango dela adierazi dute AEK eta Mirokutana ekoiztetxeak, eta apirilaren 25era bitartean crowdfunding kanpaina bat abiatuko dute jalgihadi.eus... [+]
Azken asteetan zenbait unibertsitatetako ate irekien jardunaldietara joateko aukera izan dut. Semea aztertzen ari da zer ikasiko duen datozen urteotan eta, erabakia hartu aurretik, komeni da aukera guztiak begiratzea. Unibertsitate bakoitzak badu bere misioa, bere izaera, bere... [+]
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]
Eskolako zenbait gurasok euskalduntzeko egindako ahalegina ikusarazi, eta hezkuntza komunitatean euskararen aldeko jarrerak piztu. Helburu horiekin bultzatu du Autobiografia Linguistikoak ekimena Ramon Bajo ikastetxeko Basartea gurasoen elkarteak, Gasteizko Alde Zaharrean. Pozik... [+]
Harrera-herri euskaldun nola izan gaitezkeen galdetu zion Leire Amenabarrek bere buruari eta parean zituenei iaz, Gasteizen, harrera-hizkuntzari buruzko jardunaldietan, eta galdera horrexetan sakontzeko elkartu gara berarekin hilabete batzuk geroago. Amenabarrek argi du... [+]
Lagun asko sumatu dut kezkatuta euskaldun gero eta gutxiagok ahoskatzen duelako elle-a. Haur eta gazte gehienek bezala, heldu askok ere galdu du hots hori ahoskatzeko gaitasuna, idatzian ere nahasteraino. Paretan itsatsitako kartel batean irakurri berri dugu: altxorraren biya... [+]
Azterketak amaitzearekin batera ohikoak bihurtu dira ikasleriaren artean, urteko garai honetan merkeak diren hegaldiak hartu eta adiskideekin bidaiatzea. Horrela egin dut neuk ere eta Londresera joateko aukera izan dut. Ildo beretik, bertan “euskaldun” pilarekin egin... [+]
Etorkisuneku 01 izenarekin jardunaldia egingo da martxoaren 14an, datorren ostiralean, Errenterian. Badalabek eta TEKS elkarteak antolatuta "hizkuntzari eta komunitateari lotutako iruditeria eta diskurtsoak berritzeko proposamen bat" izango omen da. Badalaben egoitzan... [+]
Martxoaren 10etik 26ra izango da udaberriko kanpaina. 'Beste modura, denona de onura' lelopean arituko dira gertuko ekoizpena, banaketa eta kontsumoa babestu eta sustatzeko, ager zonaldean euskara hauspotzen duten bitartean. Apirila amaieratik aurrera jasoko dira... [+]
Alberto Martinez Eusko Jaurlaritzako Osasun sailburuak argi dio: ez ditu mediku euskaldunak aurkitzen, eta euskarazko osasun arreta ezin da bermatu mediku egoiliar (formazioan dauden espezialista) gehienak kanpotarrak direlako. Mediku euskaldunak bilatzea perretxikotan joatea... [+]