Esako urtegiaren arazoak jasotzen dituen dokumentala estreinatuko dute azaroaren 20an
Los malos sueños de René Petit (Rene Petiten ametsgaiztoa) du izena dokumentalak eta azaroaren 20an estreinatuko da Iruñeko Golem zinemetan.
Egileen hitzetan, Esako urtegiak dituen arazoen eta urtegiaren hazkundearen inguruan hitz egiteko “aitzakia” da dokumentala. Yesa+no eta Rio Aragón bezalako plataformek hartu dute parte proiektuan eta Eguzki Bideoak izan da dokumentala egikaritu duena.
2013an abiatu zuten proiektua crowdfunding kanpaina baten bidez eta 20.000 euro inguru lortu dituzte. Esako urtegiko ingeniari René Petit da dokumentalaren abiapuntua, honek behin baino gehiagotan esan baitu urtegiak “loa kendu diola”.
Urtegiaren aldeko zein kontrako ahotsak jaso ditu dokumentalak, egileek azaldu dutenez, bestela “propagandistikoegia” litzatekeelako. Hala ere, argi dute proiektuaren helburua zein den: “Arrazoia daukagu eta gure argudioak erakutsi nahi ditugu”.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.