ARGIA.eus

2021eko urtarrilaren 19a

Ertzaintzaren eta Udaltzaingoaren lan-deialdiak hizkuntz eskubideak urratzen dituela salatu du Hizkuntz Eskubideen Behatokiak

  • Eusko Jaurlaritzak Ertzaintzarako 700 postu eta Udaltzaingorako 57 postu eskainiz egindako lan-deialdiak ez ditu hizkuntza eskubideak betetzen Behatokiaren arabera. Lanpostu berri ugari sortu eta hainbat pertsona erretiratuko diren honetan belaunaldi aldaketa emango dela ondorioztatu du Behatokiak, eta defendatu "une erabakiorra dela hizkuntza eskubideei begira".

ARGIA @argia
2021eko urtarrilaren 14a
(Argazkia: Aitor Kaltzakorta Belaustegi)

Berriki, polizia agente izateko ehundaka posturako lan-deialdia egin du Eusko Jaurlaritzak. Zehazki, Ertzaintzarako 700 postu eta Udaltzaingorako 57 postu daude betetzear. Kopuru esanguratsua izanik, eta egun aktibo dauden hainbat agenteren erretiroa aurreikusita, belaunaldi aldaketa datorrena ondorioztatu du Hizkuntz Eskubideen Behatokiak: "Horregatik, une erabakiorra da hizkuntza eskubideei begira: lan-deialdietako hizkuntza-eskakizunek baldintzatuko dute etorkizuneko Ertzaintzaren eta Udaltzaingoaren hizkuntza gaitasuna, eta, ondorioz, baita herritarren hizkuntza eskubideak ere", azaldu dute.

Lan-deialdia aztertuta, Behatokiak ondorioztatu du ez duela bermerik eskaintzen hizkuntza eskubideei dagokienez. Agurne Gaubeka Behatokiko zuzendariak salatu duenez, Ertzaintzarako 700 postuetako 238k ez dute profil linguistikoaren derrigortasun datarik, eta "euskara maila izan gabe sar daitezke administrazio publikoan, beraz". Gainontzeko 462 postuetan, aldiz, B2 profil linguistikoa eskatzen da. Udaltzaingoari dagokionez, 57 lanpostuetatik 14k ez du derrigortasun datarik.

Gaubekak azpimarratu duenez, "derrigortasun data duten langile kopurua ez da herritarren eskubide eta zerbitzuaren kalitatearen bermeari begira ezartzen, baizik eta euskaraz dakiten balizko herritar kopuruaren arabera. Zerbitzu publikoan onargaitza da hori, herritar guztien eskubideen bermatzailea izan beharko lukeelako, eta derrigortasun datarik gabe, ez dago hori bermatzerik".

Behatokiak gogorarazi du urtero jasotzen dituela hainbat kexa herritarren partetik, salatuz ez dutela lortu euskarazko zerbitzua jasotzea Ertzaintzan edo Udaltzaingoan. "Salaketa hauek erakusten dute hutsuneak hor jarraitzen duela. Gainera, kontuan hartu behar da botere harreman jakin baten baitan harremantzen direla herritarrak erakunde horiekin. Eta askotan harreman hori desorekatua izaten da, babesgabe utziz", egin dute irakurketa.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Hizkuntza eskubideak kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude