ARGIA.eus

2020ko uztailaren 02a

Ertzaintzak eginbideak hartu ditu hainbat irundarren aurka, Voxen aurkako protestak direla eta

  • Ertzaintzak diligentziak zabaldu ditu gizonezko baten aurka, eta espedientea ireki die beste bi laguni, "bart gauean Irunen Voxeko mitin batean izandako istiluetan ustez parte hartzeagatik".

Mikel Eizagirre
2020ko ekainaren 29a

Ertzaintzak ikerketak abiarazi ditu Irungo hainbat bizilagunen kontra. Horien artean, gizon baten aurkako diligentziak eta beste bi pertsonari irekitako espedienteak aurkitzen dira, Naizen arabera. "Bart gauean Voxeko mitin batean izandako istiluetan ustez parte hartzea" egozten zaie irundar horiei, polizia autonomikoaren iturriek aditzera eman dutenez.

Ekitaldia Pio XII plazan izan zen. Ertzaintzaren Brigada Mugikorrak kontrolatu zituen sarbideak, eta ez zieten sartzen utzi Voxen presentziaren aurka protesta egitera joan ziren bizilagunei. Istiluak inguruko kaleetan barrena izan ziren. Hainbat polizia-karga jazo ziren aldirietan.

Istilu horien ostean, Ertzaintzak gizon bat ikertu du “desordena publikoa” egotzita, eta beste biri, berriz, espedientea ireki die, ordena publikoa aztoratzearen argudiopean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Faxismoa  |  Ertzaintza  |  Irun  |  Vox

Faxismoa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude