Europar Batasuneko delegazio batek, Ursula von der Leyen eta Josep Borrell tartean, Zelenski bisitatu zuten atzo Kieven, eta neurri berriak iragarri dituzte.
Zelenskiri egindako bisitaren ostean, Europar Batasunak Errusiaren aurkako zigor berriak iragarri ditu, eta Ukrainari armamentuan 500 milioi euro gehiago emango dizkietela gehitu dute: "Ukrainako armadari 500 milioi euro gehiago emango dizkiogu, bere herrialdea eta jendea defendatzeko", diote.
Horrez gain, Errusiaren aurkako bosgarren zigor paketea onartuko dutela adierazi du von der Leyenek; pakete honen neurri nagusia Errusiako ikatzaren debekua da. Europar Batasuneko herrialdeek ezingo dute Errusiako ikatzik inportatu; Errusiaren esportazioen laurdena da hau, urtean 8.000 milioi euro inguru.
Finantza munduaren aurkako neurriak ere hartu dituzte, nazioarteko trantsakzio asko debekatuz. Bestalde, Errusiako eta Bielorrusiako merkantziak dakartzaten garraiolariei muga gurutzatzea debekatuko zaie, nahiz eta oinarrizko produktuak dakartzaten garraiolariei pasatzen utziko zaien.
Produktu zehatz askoren esportazioa ere debekatuko zaie EBeko herrialdeei; hala nola, konputazio kuantikoko produktuak, aurreratutako erdieroaleak, produktu kimikoak eta makineria sentsiblea.
Ukraina EBean sartzeko lehen urratsak
Errusiari zigor gehiago jartzeaz gain, eta Ukrainako armadari arma gehiago emateaz gain, Ukraina Europar Batasunean sartzeko lehen urratsa ere eman dute Zelenskik eta von der Leyenek Kieven. Europako Komisioaren presidenteak Ukrainako agintariek bete beharreko txosten bat eman dio Zelenskiri, Ukrainak EBean sartzeko hautagai estatusa jasotzeko, ondoren integrazio prozesuari ekiteko.
Ukraine belongs in the European family.
And today, Ukraine takes another important step towards EU membership.
We will accelerate this process as much as we can, while ensuring that all conditions are respected.#StandWithUkraine pic.twitter.com/q7Yi5gMOBH
— Ursula von der Leyen (@vonderleyen) April 8, 2022
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.
Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.