Errusiar soldaduak hiltzera deitzen duten mezuak baimenduko dituzte Facebook eta Instagramek

  • Meta plataformak (zeinaren baitan dauden Facebook, Instagram, WhatsApp eta hauen ondorengo beste hainbat) soldadu errusiarren aurkako indarkeria sustatzen utziko die Facebook eta Instagrameko hamabi herrialdetako erabiltzaileei, Reuters agentziak jakitera eman duenez. Errusiako eta Bielorrusiako lehendakarien heriotza eskatzen duten hainbat argitalpen ere baimendu dituzte. Horrekin batera, Ukrainako bolondres neonaziak batzen dituen eskuin muturreko Azov Batailoia goresten duten mezuak baimenduko ditu.


2022ko martxoaren 11n - 07:52

Reutersek dio Meta barneko hainbat posta elektroniko ikusi ahal izan dituela, eta hauetan irakur daitekeela gorrotoa sustatzearen politika aldi baterako aldatu dutela: "Kontzesio bat egiten ari gara indarkeriazko diskurtso bat baimentzeko, bestela Gorrotozko Diskurtsoaren politikaren baitan ezabatu egin beharko litzatekeena. Egoera hauetan baimenduko dira indarkeriazko diskurtsoak: soldadu errusiarren kontrakoak direnean, gerrako atxilotuak salbu; eta errusiarren kontrakoa denean baina argi dagoenean testuingurua Ukrainako inbasioa dela (adibidez, mezuak inbasioa aipatzen duenean, autodefentsa eta abar)". Posta elektroniko honek aurrerago dio: "Hau egiten dugu, ikusten dugulako testuinguru zehatz honetan 'soldadu errusiarrak' hitza erabiltzen dela ejerzito errusiarren ordezkariak izendatzeko. Gorrotoaren Diskurtsoaren politikak jarraitzen du errusiarren aurkako erasoak debekatzen".

Errusiako lehendakari Vladimir Putinen heriotza edo Bielorrusiako Alexander Lukashenkorena eskatzen duten hainbat argitalpen baimendu egin ditu sare sozialetako enpresa honek, edukiak moderatzeaz arduratzen direnei bidalitako hainbat barne posta elektronikotan Reutersek ikusi ahal izan duenaren arabera.

Errusiako enbaxadak Twitterren irizpide aldaketa hau salatu du, adieraziz "Facebook eta Instagrameko erabiltzaileek ez dietela plataforma hauetako jabeei baimenik eman egiaren irizpideak erabakitzeko eta herriak elkarren aurka jartzeko":

Errusiar soldaduen kontrako indarkeria sustatuko duten mezuak herrialde hauetan zabaltzea onartu du Meta plataformak: Armenia, Azerbaijan, Estonia, Georgia, Hungaria, Letonia, Lituania, Polonia, Errumania, Errusia, Eslovakia eta Ukraina.

Ukrainako neonaziak gorestea baimendu du Metak

Reuters agentziak aipatzen dituen posta elektronikoetan, Metak adierazten du Ukrainako bolondres neonaziak biltzen dituen eskuin muturreko Azov batailoia goresteko mezuak baimenduko dituela. Metako bozeramaileak lehango ere aiupatu zuen oraingoz, salbuespen txiki bat egiten ari direla "Azov erregimentua goresteko, Ukrainako defentsa testuinguruan soilik, edo Ukrainako Guardia Nazionalaren zati den heinean soilik".

Meta plataformak Errusiako Russia Today eta Sputnik hedabideak bere sare sozialetatik kanporatu ditu berriki (Axier Lopezek kontatua du artikulu honetan).


Kanal honetatik interesatuko zaizu: Facebook
2024-03-10 | Diana Franco
Teknologia
Kontzientzia kolektiboa

Ez dut argi kontzientzia kolektiboa zelan ulertu ohi den; zutabe honetan honela ulertzen dut: momentu bat non gizarteko pertsona gehienak errealitate baten gainean ulermen partekatu bat dugun. Adibidez, denok ulertzen dugu zeinen garrantzitsua den etxebizitza bat izateko aukera... [+]


2023-05-25 | Axier Lopez
1.200 miloi euroko zigorra ezarri diote Facebooki herritarren pribatutasuna urratzeagatik

Europar Batasunean inoiz enpresa bati ezarri dion isunik handiena jarri dio Facebook, Instagram eta WhatsApp-en jabe den enpresari, Meta-ri, herritarren datuen babeserako arauak urratzeagatik. Edonola ere, 1.200 milioiko zigor hori 2022an Metak izandako irabazien %5 inguru... [+]


Facebook eta Instagram: Haurren sexu trafikorako merkatu

Bi urtez gaia ikertu ondoren, The Guardianek erreportaje bat argitaratu du, haurrak salerosten dituzten gaizkileek Facebook eta Instagram plataformak erabiltzen dituztela salatzeko. Sexu trafikotik bizirik atera diren adingabeei laguntzen dien Courney’s Houseko Tina Frundt... [+]


Gorroto-diskurtsoak aurkitu dituzte Facebook eta Googleren adimen artifizialeko tresnak entrenatzeko datu-multzoan

Googleren eta Facebooken adimen artifizialeko tresnak entrenatzeko erabilitako datu-multzoa aztertu du The Washington Postek, Allen Institute for AI-rekin elkarlanean. Internetetik hartutako milioika edukiren artean gorroto-diskurtsoak bultzatzen dituzten webguneetakoak ere... [+]


Facebook erabiltzeari uzteko agindu dio Alemaniako Gobernuari datuen babeserako erakundeak

Alemaniako Gobernu Federalari Facebookeko bere orria erabiltzeari uzteko agindu dio Ulrich Kelberrek, Alemaniako Datuak Babesteko eta Informazio Askatasunerako Komisario Federalak (BfDI). Lau asteko epea izango dute agindua bete edo apelazioa aurkezteko.


Eguneraketa berriak daude