Errusiak dio Ukrainaren “eraso handi bat” atzera bota duela eta 250 soldadu ukrainar hil dituela
Donetsk-en izan behar zen "eraso handia", baina Errusiako tropek zapuztu dute, Errusiako Defentsa Ministerioaren esanetan. Ukrainak asteak daramatza esanez "kontraerasoa" egingo dutela, baina noiz izango den argitu gabe. Errusiak dioena "informazio faltsua" dela salatu du Kievek, eta estrategiaren parte dela ohartarazi du.
Nazioarteko zenbait aditu eta hedabidek baieztatu dutenez, Ukrainako gerrak eskalada izan du azken egunetan, eta erasoak gogortu dira. Ukrainako presidente Volodimir Zelenskyk asteak pasa ditu esanez “kontraerasoari” ekingo diotela, baina ez dutela zehaztuko noiz izango den. Bada, iturri batzuek diote jada hasi direla.
Astelehen goizean Errusiako Defentsa Ministerioak jakinarazi du Ukrainaren “erasoaldi handi bat” atzera bota dutela Donetsken, irailaz geroztik Errusiara anexionatuta dagoen lurraldean. Sergei Xoigu Errusiako Defentsa ministroaren esanetan, erasoa zapuztu dute, eta Ukrainako armadako 250 bat soldadu hil eta 16 tanke suntsitu dituzte, besteren artean. Kremlinen informazioaren arabera, ukrainar tropen helburua zen haien ustez zaurgarrienak diren fronteko defentsa eremuan sartzea, baina ez dute lortu.
Ukrainak ezeztatu egin du halakorik, eta berretsi du ez dutela iragarritako kontraerasoa hasi; bitartean, diskrezioa ezinbestekoa dela gogorarazi dute, The Guardianek jaso duenez. Kremlini leporatu diote “informazio faltsua” zabaltzen aritzea, helburu batekin: “Operazio psikologiko bat martxan jartzea, informazio faltsuaren bidez porrot sentimendua zabaltzeko espero den kontraerasoaren gainean, Ukrainako herritarrak adoregabetzeko”. Kievek ohartarazi du horretarako bideo zaharrak eta manipulatutako irudiak erabili ditzaketela.
Matteo Zuppi kardinala bitartekari
Gatazken konponbidean esperientzia duen Matteo Zuppi kardinala Kievera joan da astelehenean, Frantzisko I. aita santuaren eskariz. Vatikanoaren ordezkari gisa izango da Errusia eta Ukrainaren arteko bitartekari, bakea negoziatzeko asmoz. Dena dela, oraindik ez du Kremlinera bidaiatzeko datarik. Zuppik zenbait bake negoziaketatan parte hartu du, hala nola Mozambiken, Guatemalan eta Burundin (Nelson Mandelarekin). Euskal Herriko gatazkan ere saiatu zen ETAren eta Espainiako Gobernuaren artean bitartekaritza egiten, baina ez zuen lortu, Naiz-ek jaso duenez.
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure... [+]
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]