Ukrainako gerrak, eta zehazki Butxako ustezko sarraskiak, hartu zuen atzo NBEko Segurtasun Kontseiluko bilkuran zentralitatea. Ukrainako eta Errusiako ordezkariek aldeko eta aurkako argumentuak eman zituzten, eta AEBetako ordezkariak Errusia NBEko Giza Eskubideen Kontseilutik botatzea proposatu zuen.

"Errusiak organismo honetan ezin du autoritate posizioa eduki, eta ez genuke utzi behar kontseilu honetan duen postua propagandarako tresna moduan erabiltzea" adierazi zuen atzo Linda Thomas-Greenfieldek, AEBetako NBEko ordezkariak.

Proposamen honen ostean, AFP informazio agentziaren arabera, bihar NBEan Errusia giza eskubideen kontseilutik bota ala ez bozkatuko dute; NBEaren asanblada orokorrean egingo dute bozketa hau.

#UPDATE The UN General Assembly will vote Thursday on suspending Russia from the UN Human Rights Council as punishment for invading Ukraine, the assembly presidency said

? UN High Commissioner for Human Rights Michelle Bachelet addresses the UN Human Right Council in Geneva pic.twitter.com/JOyMjKWPoP

— AFP News Agency (@AFP) April 6, 2022