Erriberako Bizinahi auzogunean hartuko dituzte Bilbora iritsitako etorkinak asteburu honetatik aurrera

  • Uda hasieratik ari dira Bilboko hainbat auzo hirira heltzen diren etorkinei harrera egiteko antolatzen. Atxuri, Bilbo Zaharra eta Santutxu auzoetatik igaro ostean, Erriberako auzoak hartuko ditu orain etorkinak.

Etorkinak Karmelara lekualdatu zirenean egindako mobilizazioa, instituzioei egoerari irtenbidea aurkitzeko eskatuz (Argazkia: Ecuador Etxea)

2018ko irailaren 21an - 15:15

Ekainean hasi ziren Bilboko hainbat herritar hirira heltzen ari diren etorkinei harrera egiten. Lehenbizikoz Atxuriko auzoak hartu zituen migratuak, eta auzoko saskibaloi kantxak egokitu zituzten bertan lo egin zezaten. Aste batzuen bueltan, Bilbo Zaharrak hartu zion lekukoa Atxuriko auzoari. Ostean, abuztu erdi aldera, Santutxuko Karmelara lekualdatu ziren. Orain Erriberako Bizinahi auzoguneak irekiko dizkie ateak etorkinei.

Igande arratsaldean egingo dute leku aldaketa, 18.30etan Atxuriko Begoñako Errepublika kaletik aterako den kotxe karabana batekin.

Udalaren utzikeria salatzeko deia

Irailaren 19an egindako zenbaketaren arabera, 135 ziren momentu horretan Karmelan zeuden etorkinak. Egoera honen aurrean, ostiral honetan, irailaren 21ean, Udalaren utzikeria salatzeko mobilizazio zaratatsua deitu dute. Mobilizazioa Ritxi plazan egingo da, arratsaldeko 19:00etan.

 

 


Kanal honetatik interesatuko zaizu: Migrazioa
Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


2024-05-03 | Antxeta Irratia
Hendaiako erretentzio zentroan %34 pertsona gehiago atxilotu zuten iaz

Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.


2024-04-25 | Gedar
Pertsona migratuak preso izateko zentro bat eraikiko du Espainiko Gobernuak Alborango irlatxoan

Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.


Uztailean hasi nahi du Erresuma Batuak migratzaileak Ruandara deportatzen

Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]


Eguneraketa berriak daude