Erretiroa 75 urterekin? PPren inguruko ekonomialariek hala nahi dute

  • “Erretiroa 75 urterekin hartu beharko litzateke, lan fisikoen kasuan izan ezik”. Jaime Requeijo UNEDeko katedradun emerituak asteazkenean esandako hitzak dira. PPren inguruko think tank garrantzitsuena den FAES fundazioari lotuta egon izan da eta Espainiako eskuinak jubilazio-baldintzak nola moldatu nahi dituen erakusteko balio lezake.


2014ko apirilaren 03an - 00:00
Azken eguneraketa: 2015-02-26 13:37:33
Erretiroa 67 urtera atzeratzeak protestak eragin ditu Espainiako Estatuan. PPren inguruko ekonomialariek gehiago atzeratu nahi dute oraindik (argazkia: La Nota Imparcial).

Madrilgo Ekonomialarien Kolegioak argitaratzen duen aldizkariaren zenbaki berezia aurkezteko ekitaldian egin zituen adierazpenak Requeijok eta Publico egunkari digitalak jaso ditu. Requeijoren aburuz, erretiro adina are gehiago atzeratzea da pentsioak “bideragarri” egiteko modu bakarra.

Juan Iranzok, Madrilgo Ekonomialarien Kolegioko dekanoak, iritzi bera agertu zuen. Iranzo ere FAESekin lotuta egon izan da eta harremana dauka Espainiako Ogasun ministro Cristobal Montororekin, baita Ekonomia ministerioan agintzen duen Luis de Guindosekin ere.

Pentsioak jasotzeko adina zortzi urte gehiago atzeratzeko ideia Espainiako Gobernuaren belarrietara iritsi da harreman horien beharrik gabe ere. Izan ere, Publicon irakurtzen denez, Fatima Bañez Espainiako Lan eta Gizarte Segurantza ministroa aipatutako aurkezpenean zegoen, Iranzoren ondoan, aldizkaria aurkezten.


Kanal honetatik interesatuko zaizu: Prekarietatea
2024-03-14 | Gedar
Mercadonak %40 areagotu ditu irabaziak, eta %30 Inditexek

Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.


Indarberriturik atera dira sektore publikoko langileak, hirugarren greba egunean

Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]


2024-02-27 | ARGIA
Langile bat hil da Arrasaten; urtea hasi denetik, 17

Astelehen arratsean gertatu da ezbeharra, Arrasaten, hiru metroko sakonerara erorita.


2024-02-15 | ARGIA
Langile bat hil da Olaztiko zementu-enpresa batean

Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.

 


Hiru egunetik behin langile bat hil da Euskal Herrian, urtea hasi zenetik

Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]


Eguneraketa berriak daude