Errepublika Martxan (EM) garaile lehen itzulian, %51ko abstentzioarekin

  • EM alderdiak bozen %32 lortu du. 400-440 eserleku artean lor lezake Legebiltzarrean. Alderdi Sozialista (PS) hil zorian geratu da, bozen %9rekin: 15-25 eserleku eskura lezake. LR alderdiak bozen %20 eskuraturik, 95-132 diputatu inguru izan lezake.


2017ko ekainaren 12an - 08:40

Frantziako alderdi historikoen eta sistemaren eskema klasikoa hondoratzear dago. Bigarren itzulian aurreikuspenak baieztatuko balira, Emmanuel Macronen Errepublika Martxan alderdiak (EM) Legebiltzarreko gehiengo handia bereganatuko luke.  

Martxanek 279 eserleku lorturik gehiengoa luke Legebiltzarrean. Lehen itzuliko emaitzek 400 eserleku luze ematen diote. PS lur jota dago, 20 diputatu izan lezake Asanblea Nazionalean. LR noraezean ari da, alta, 100 inguru diputatu izan lezake. Bera litzateke, oposizioko lehen alderdia. Jean-Luc Mélenchonen Frantzia Intsumisioak 20 diputatu inguru izan lezake, FNk bizpahiru baino ez.

Alabaina, V. Errepublika garaian egundo abstentzioa altuena izan da. Indarrean dagoen Errepublika gauzatu zenean, antzeko krisia bizi izan zuen Frantziak.

Egoera makurra bada ere, frantziarren abstentzioak, etsipenean izanik ere, antza, Macroni eman dio estatuaren erreforma aurrera eramateko argi berdea. Hartara, bere agindupean, VI. Errepublika ezar lezake.

Ipar Euskal Herrian ere EM garaile

Errepublika Martxan (EM) mugimendua litzateke nagusia ere Ipar Euskal Herrian. 4. barrutian Loic Correge garailearen (EM) eta Jean Lassalle-ren (Eutsi) artean jokatuko litzateke eserlekua. 5. barrutian, Florence Lasserre-David (EM) eta PSko Colette Capdeviellen artean. 6. barrutian Vincent Bru (EM) lehenaren eta Maider Arosteguy (LR) bigarrenaren artean jokatuko litzateke. Nolanahi den ere, EMko hautagaiak aitzinetik abian dira bigarren itzulian.

EH Baiko Peio Etcheberry-Ainchart, Anita Lopepe eta Laurence Hardouin ez dira 2. itzulian izanen. Haatik, EH Baik bildu duen boz kopurua eta emaitzak orobat ez dira eskasak izan. Aste honetan, bigarren itzulian hartuko duten jarrera erabaki behar du EH Baik.


Kanal honetatik interesatuko zaizu: 2017ko Frantziako hauteskunde legegileak
2017-09-25 | Mikel Asurmendi
Zentro-eskuineko hegemonia berrindartu da Frantziako Senatuan

Frantziako Senatuaren herena berritu da. 384ko aulkietatik 171 berritu izan ondoren, En Marche (LREM) alderdiak 28 senatari baino ez ditu lortu. Oposizioko alderdiak izan dira garaile. Le Républicains  (LR) eta Alderdi Sozialista (PS) hurrenez hurren.


"Azken mohikanoen sindromea kausitzen dut hainbat abertzalerengan"

Baionan sortu zen 1973an, baigorriar familia batean. Alabaina, Donibane Lohizunen hazi eta hezi da tipitatik. Herri Berri taldeko hautetsia da bere herrian. EH Baiko hautagaia izan da azken bi hauteskunde legegileetan, VI. barrutian. Historialaria da. Elkar argitaletxeko editore... [+]


2017-07-11 | Jakes Bortayrou
Monarkia errepublikanoa

Sorpresaz beteriko frantses ziklo elektoralak aspaldiko panorama instituzionala hankaz gora utzi du. Hauteskunde presidentzialen ondoren, Macron-zaletasun uhin azkarra altxatu da. Komunikazio plangintza eraginkorra garatu du presidente berriak, Frantziaren... [+]


Frantziako hauteskunde legegileak
Jean Lassallek buru egin dio Emmanuel Macronen uholdeari

Macron uholdea sentitu da Ipar Euskal Herrian ere. Frantziako Legebiltzarrean egonen diren hiru diputatuetarik bi presidentearen Errepublika Martxan mugimendukoak dira: Vincent Bru eta Florence Lasserre-David. Hirugarrena Jean Lassalle da, 2002 urteaz geroz Legebiltzarrean... [+]


2017-06-20 | Mikel Asurmendi
Macronen Errepublika Martxan garaile
Hedabideek iragarria gauzatu da

Asanblea Nazionaleko 577 eserlekuek beren diputatua daukate bost urteko legealdirako. Alta bada, bozemaileen %58k ez du botorik eman. Frantziak, Europako demokraziaren sehaskak, behea jo du. Edonola ere, Macron uholdea sentitu da Ipar Euskal Herrian ere. Frantziako... [+]


Eguneraketa berriak daude