Errekaleor: inpaktu linguistikoa

  • Joan den ostegun goizean Ertzaintza eta Iberdrolako langileak Gasteizko Errekaleor auzora sartu ziren, argindarra moztera. Gasteizko Udalak, horrelako erabakiak hartzen dituenean, arriskuan jartzen du euskarak arnasa lasai hartzen duen Gasteizko territorio libre bakarretako bat.


2017ko maiatzaren 23an - 09:57

Joan den ostegun goizean Ertzaintza eta Iberdrolako langileak Gasteizko Errekaleor auzora sartu ziren, argindarra moztera. Eta inork pentsa dezake lehentasun gutxi duen ondorioa dela, edo badaudela eragin okerragoak, eta ez dela hau horrelako gauzetan pentsatzeko unea, baina esan beharra dago: Gasteizko Udalak, horrelako erabakiak hartzen dituenean, arriskuan jartzen du euskarak arnasa lasai hartzen duen Gasteizko territorio libre bakarretako bat.

Errekaleorreko auzokideei behin eta berriz entzun diegu, auzoan bizitzeko hartu duten filosofiarekin lotuta, beraien hizkuntza-hautua esplizitatzen. Ezaugarri berezidun auzoa da, baina berdin dio: ez duzu beste auzo-elkarte, egitura edo komunitaterik aurkituko, Gasteizen, hain erabaki irmoa hartu duenik. Errekaleor da, Gasteizen, une honetan, euskara gehien entzuten den auzoa. Arnasgunea deitu nahi dionak, hala deitzeko eskubide osoa du. Beste hainbat esparrutan praktikan jarritako gizarte eraldaketarako proiektua hizkuntzaren esparruan ere irmo aplikatu dute bertako auzokideek.

Eta hemen, gauzak egiten direnean, ondorio guztiak hartu behar dira kontuan. Segurtasun arrazoiak medio argindarra moztearen atzean beste asmo batzuk ere badaude, ez dago dudarik. Eta, inpaktu bat egiten duzunean, inpaktu horren ebaluazioa prisma askotatik egin beharra dago. Tartean sar daiteke eragin linguistikoa. Demagun, okerrenean jarrita, Gasteizko Udalak Errekaleor hustea erabakitzen duela, etorkizunean, auskalo zein asmo urbanistikoren aitzakiapean. Erabaki hori hartzen badu, beste gauza batzuen artean, euskaraz bizi den komunitate bat desagerrarazteko beldurrik ez duela.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Errekaleor
Errekaleorren 10. urteurreneko ekintzetan jasandako polizia jazarpena salatu dute

Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.


Errekaleorrek 10 urte
“Gogoz eta indartsu heldu gara 10. urteurreneko ospakizunera"

2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]


2023-06-01 | Ilargi Manzanares
Oinharri eskolak herri mugimenduentzako formakuntza eskainiko du Errekaleorren, uztailaren 15etik 23ra

Oinharri eskolak Formakuntza Barnetegia eskainiko du, Euskal Herriko herri mugimenduentzako formakuntza politikoa. Lau urte daramatzate formakuntza ematen, eta beraien metodologia Brasilgo Lurrik Gabekoen Mugimenduan (MST) oinarrituta dago, materialismo dialektikoa ardatz.


2023-02-27 | Hala Bedi
Errekaleorreko etxeak egoera onean daudela berretsi du azterketa tekniko batek

Azterlan hori egiteko, jendea bizi den blokeen egoera, ezaugarri fisikoak eta eraikuntzakoak, balizko arazoak eta bizigarritasunari dagokionez duten egoera orokorra aztertu dituzte, 2022an zehar. EAEko Eraikinen Ikuskapen Teknikoaren ereduari jarraituz egin dituzte blokeen... [+]


Eguneraketa berriak daude