"Euskal Herrian sekula egin den sinadura bilketarik handiena" abiatuko du Gure Esku ekimenak 2020 udaberrian, aditzera emateko "gure etorkizuna erreferendum bidez erabaki nahi dugula", Amalur Alvarezek eta Josu Etxaburuk azaldu dutenez.
Gure Eskuren bozeramaileak #erreferenduma|ren aldeko herri ekimena aurkezten ari dira kazetariei: “Burujabe izateko eta mugarik gabe erabakitzeko gehiengoaren nahia erakutsiko du eta mobilizazio aldiak sinadura bilketa masibo bat izango du ardatz". pic.twitter.com/EMFEmYwq35
— Gure Esku (@Gure_Esku) November 14, 2019
Maiatza eta ekaina artean jasoko dira sinadurak, herrietan antolatuko den ekimen sortaren barruan. Gure Eskuko kideen hitzetan, pasa den igandeko hauteskundeen emaitzek, euskaldunok –katalanek bezala– autogobernatzeko daukagun desioa berresten dute eta, hortaz, Espainiako Kongresuko eta Senatuko errealitateek "ezin dute gure bidea markatu".
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.