Erraustegiko goi-tentsioko linearen aurkako mendi martxa egingo dute larunbatean
Erraustegirako esklusiboki eraiki nahi duen goi-tentsioko linearen proiektua bertan behera gera dadin mendi martxa antolatu du Erraustegiaren Aurkako Mugimenduak. Urtarrilaren 27an izango da, larunbata, eta Urnietatik Lasarte-Oriara izango da ibilaldia.
Ibilaldia goizeko 11:30ean hasiko da,Urnietako Azkorte ermitan. Lehenik eta behin, proiektuari buruzko informazioa emango dute eta hortik Lasarte-Oriarantz abiatuko dira. Eguerdi aldera Okendo plazan egingo dute azken ekitaldia.
Azken egunetan Erraustegiaren Aurkako Mugimenduak goi-tentsioko lineari buruzko informazioa zabaldu dute Twitter bidez.
Erraustegirako egin nahi duten goi-tentsiko linea berriari buruzko hainbat datu ➡️Potentzia. Linea berriak 132 kilovolteko potentzia izango luke, eta, esklusiboki erraustegiari zerbitzu emateko eraikia izango da. pic.twitter.com/XgV4TodAgi
— Erraustegiaren A.M. (@ErrausAurkMugi) January 24, 2018
Izan ere, Zubietako Eskuzaitzetako poligonoan jarriko diren enpresek ez dute tentsio horretatik elikatzerik izango. GHK-k egindako estimazioen arabera, Zubietan 160.000 megawatt sortuko dira urtean. Berez, goi-tentsioko linea energia hori sareratzeko modua egiteko da. pic.twitter.com/ZuVNjwDpFV
— Erraustegiaren A.M. (@ErrausAurkMugi) January 24, 2018
Hedadura eta distantzia➡️ Lineak Artzabaletako (Zubietako) eremutik irtengo litzateke eta 5.422 metroko luzera izango luke, A-15 autobide ondoraino, #Urnieta eta #Hernani arteko mugatik gertu. Santa Barbara azpitik #Usurbil dik datorren goi tentsioko linearekin bat egingo luke. pic.twitter.com/V0oAa5p341
— Erraustegiaren A.M. (@ErrausAurkMugi) January 24, 2018
Guztira 21 euskarri edo dorre berri jarriko lituzkete, eta bakoitzak 50 metro koadroko lur eremua hartuko du. Euskarrien altura 30 eta 36 metro bitartekoa izango da. Linea osoan, batez besteko 40 metroko zabaleran, zuhaitzak moztu egingo dira, eta ezin izango da berririk landatu. pic.twitter.com/s0vjvZe6H8
— Erraustegiaren A.M. (@ErrausAurkMugi) January 24, 2018
Ingurumen eragina ➡️Linea berriak #Zubieta, #LasarteOria, #Andoain eta #Urnieta ko lurrak igaroko lituzke, eta haren ingurumen eragina handia izango litzateke, batez ere nekazari lurrak eta basoak zeharkatuko lituzkeelako. pic.twitter.com/3IELRFsMq0
— Erraustegiaren A.M. (@ErrausAurkMugi) January 24, 2018
Une honetan proiektua Jaurlaritzako Ingurumen Sailaren Ingurumen Eraginaren Deklarazioaren zain dago. Behin tramite hori gaindituta, deklarazioa jendaurrean jarri beharko da eta helegiteak jartzeko tartea zabalduko da. pic.twitter.com/1ixmr8uFnK
— Erraustegiaren A.M. (@ErrausAurkMugi) January 24, 2018
Ondoren, Industria Sailera joango litzateke proiektua eta hark baimendu ostean, lur desjabetzeak eta eraikuntza lanak hasiko lirateke. Obra Iberdrolak egin eta kudeatuko luke. pic.twitter.com/tAUrqtNC08
— Erraustegiaren A.M. (@ErrausAurkMugi) January 24, 2018
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]