Emakumeak borrokan

Erraustegiaren enpresek iritzi publikoa kontrolatzeko antolatu duten komunikazio plana argitaratu du GuraSOSek

  • Zubietako erraustegia eraikitzen ari diren enpresek (Urbaser, Meridiam, Altuna y Uria, Moyua, Murias eta LKS-Mondragon) komunikazio talde bati eman diote Gipuzkoak Ingurumen Gunea eufemismoz bataiatutako erraustegi konplexuaren irudi ona gizarteratu eta sortu diren kontrako iritziei gaina hartzeko ardura. GuraSOS elkarteak eskuratu du oposizioko taldeen aurkako diskurtso bat egituratzen ari den kabinetearen agiri konfidentziala eta igandean Lasarte-Orian egindako ekitaldi jendetsuan erakutsi du. ARGIAk Interneten ipini du "Cultura medioambiental y plan de comunicacion" izenburua daraman txosten konfidentziala.

ARGIA @argia
2019ko otsailaren 11
Lasarte-Oriatik otsailaren 23ko manifestaziora agertzeko deia zabaldu zuten. (Argazkia: GuraSOS)

GuraSOSek erakutsi duen plana –erraustegia eraikitzen ari diren enpresen logotipoez gain GHKren zigilua ere badaramana– 25 orrialdeko eskuliburu gisa dago antolatuta "Cultura medioambiental y plan de comunicacion" izenburupean eta “Zubietako GIG 1en ezaugarridun proiektua egoki kudeatzeko komunikazio publikoa lehen mailako faktore estrategikoa dela” aipatzetik abiatzen da (gaztelania hutsez dago). Haren laburpena egin zuten GuraSOSeko ordezkariek igandean, otsailak 10, Lasarte-Oriako Manuel Lekuona kultur etxean burututako ekitaldi jendetsuan.

GuraSOSeko bozeramaile Joseba Belaustegik esan zuenez "aipatu taldeak, planaren arabera 'esperientzia zabala du komunikazioaren eremuan, eta 1994tik, hondakinen gaikako bilketari buruzko lehen kanpaina egin zuenetik, herrialdeko hiri hondakinak kudeatzeko Gipuzkoan garatu diren proiektu eta azpiegitura ia guztien komunikazioan parte hartu du'. Kolektiboa osatzen duten adituak honako hauek lirateke: “komunikazio aholkulari gisa 15 urte baino gehiagoko esperientzia duen komunikazio arduraduna; web orrialdearen eta sare sozialen arduradun gisa 10 urtetik gorako esperientzia duen on-line komunikazioko arduraduna, (jarduera eremu garrantzitsua lirateke sare sozialak, planaren arabera, “proiektuaren aurkakoek gehien erabilitako erremintak baitira”); diseinu grafikoko arduradun bat, tratamendu grafikoari lotutako gaietarako”. Guztiak kalitatezko zerbitzua bermatuko duen metodologia bat martxan jartzera konprometitzen dira, hartara, ekintza plan bat eta modu jarraituan komunikazio plan baten birdefinizioa garatu ahal izan dezagun'”. Orain artean ez da jakin ez komunikazio talde horren eta ez osatzen duten pertsonen izenik.

Lasarte-Oriako ekitaldiarekin GuraSOSek herritarrei dei egin die otsailaren 23rako antolatu duen manifestaziora ager daitezen. Esan baietz adostasunari darama lelotzat manifestazioak eta aurreko giroa berotzeko espreski prestatutako promozio bideo bat ere aurkeztu dute bertan.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gipuzkoako erraustegia  |  Errausketa

Gipuzkoako erraustegia kanaletik interesatuko zaizu...
2019-04-16 | Usurbilgo Noaua
Zubietako erraustegia hondakinak jasotzen hastear da, Aldundiaren aurreikuspenak betetzen badira

Zubietako erraustegiaren eraikitze lanek ez dute etenik. Gipuzkoako Foru Aldundiaren aurreikuspenak betez gero, erraustegia laster hasi daiteke hondakinak biltzen.


Abel Arkenbout (ToxicoWatch): "Erraustegi mondernoenek ere dioxinak isurtzen dituzte, hala erakutsi dugu Holandan"

Azken belaunaldiko erraustegiak seguruak dira ala badaukate arriskurik elikadura katea, ingurumena eta gizakiarentzat? Benetan kontrolatzen dira ala ez dioxina isuriak? Apirilaren 13an Hernanin (Gipuzkoa) izango da Abel Arkenbout toxikologoa jende aurrean azaltzen nola aurkitu dituzten agintariek aitortu gabeko dioxina isuri ezkutuak Harlingeneko erraustegian, Holandako Frisia eskualdean.

 


2019-04-09 | Zero Zabor
Abel Arkenbout toxikologoa Holandako erraustegi berriaren dioxinez mintzatuko da larunbatean Hernanin

Apirilaren 13an, larunbata, goizeko 10:00etan hasita, Hernaniko Biteri kultur etxean hitzaldi berezia emango du Holandako ToxicoWatch fundazioko Abel Arkenbout toxikologoak: "Dioxinak Harlingenen – Dioxinak Zubietatik? Honela kutsatzen dute erraustegi modernoenek”. Hernanin Zero Zabor eta Errausketaren Aurkako Mugimenduak antolatu dute hitzaldia, Hernaniko Udalaren babesarekin.


2019-03-29 | Usurbilgo Noaua
Erraustegiek erditze goiztiarretan eta bihotzeko nahiz gernubideen gaixotasunetan eragin zuzena, OEIT-eko medikuen arabera

Osasuna eta Errausketa Ikerketa Taldeak (OEIT) erraustegiak osasunean duen eragina aztertzen eta nazioartean gai honi buruz landu diren ikerlaneko azterlanak argitaratzen segitzen du astero sare sozialen bidez. Datu berri eta kezkagarri gehiago plazaratu dituzte azken aldian.


2019-03-20 | Usurbilgo Noaua
Atez ateko bilketak 10 urte bete ditu Usurbilen

Ohitura aldaketa txiki batek hondakinen kudeaketa eredua irauli zuen duela 10 urte. 2009ko martxoaren 16an albiste genuen Usurbil, ez herri mailan baita udalerritik kanpo ere. Aitzindari bilakatu zen udalerri hau Euskal Herrian, hondakinak lehengai bihurtu eta herritarrak "teknologia" aurreratuenean bilakatu zituen atez ateko bilketa sistemari esker. Atez atekoak 10 urte bete ditu joan den larunbatean.


2019-03-15 | Maripi Arruiz
Gezurtiak

Donostian klima aldaketari buruzko konferentzia antolatu dutela-eta, bolo-bolo ibili da hedabideetan Change the change esaldia.


2019-03-15
Zubietako erraustegiko eraikitze lanak, azken txanpan

Usurbil herriko puntu askotatik begi bistakoa dugu jada Zubietako erraustegia. Eraikitze lanak azken txanpan dituzte jada.


Klima aldaketaren aurkako mobilizazioak Donostian
MULTIMEDIA - erreportajea

Klima aldatzen duten proiektuekin amaitzeko eskatu dute Donostian Errausketaren Aurkako Mugimenduak eta hainbat eragilek deitutako mobilizazioetan.


2019-03-07 | Usurbilgo Noaua
Erraustegiaren aurkako aldarria, Klima Aldaketaren inguruko nazioarteko biltzarraren atariraino eraman dute

Txistu eta oihu artean hartu dute Donostiako Kursaal atarian egin duten elkarretaratzean, eraikin barruan ospatzen hasi diren Klima Aldaketaren inguruko nazioarteko biltzarra.


2019-03-05 | Zero Zabor
Zubietako erraustegiak badauzka tximiniak (bi) eta dagoeneko ikusten zaizkio

Zubietako erraustegia tximiniarik gabekoa izango ote zen? Hala iradokitzen zuten GHKk eta Gipuzkoako Foru Aldundiak obrak hasi aurretik zabaltzen zituzten ordenadore bidezko irudiek. Egunotan, ordea, labeak sudurren aurrean dauzkaten Usurbilgo herritarrek begi hutsez eta kaletik bertatik ikusi ahal izan dituzte bi tutu erraustegiaren sabaian: horra tximiniak.


Azkenak
EGILEA
Eguneraketa berriak daude