Erraustegia 2019ko uda aurretik amaitua eta udazkenean martxan izatea aurreikusten du Aldundiak

  • “Tratamendu mekaniko biologikoko eta biolehorketako plantetako eraikinak ia amaituta daude, eta hasiera eman zaio labeen eta gainerako ekipo industrialen instalazioari”, Gipuzkoako Foru Aldunditik berri eman dutenez. 2019ko erraustegiko lanak amaitzea aurreikusten dute eta “probaldia gainditu ondoren, 2019ko udazkenean funtzionatzen hasiko da Ingurumen Gunea” iragarri dute.

Usurbilgo Noaua @noaua
2018ko ekainaren 07a
Zubietako erraustegiaren obrak 2018ko ekain hasieran. (Argazkia: GHK)

Lanen erdia egintzat jo dute jada, “eta, eraikuntza eta obra zibileko lanei dagokienez, % 70era iritsi da. Zehazki, tratamendu mekaniko biologikoko eta biolehorketako plantei dagozkien eraikinak amaituta egongo dira laster”. Erraustegiko lanak oso aurreratuak daudela nabarmentzen du Aldundiak. “Ekipamendu industrialen ezarpena egiten ari da, eta aurrera doa aurreikusitako epeen arabera. Amaitzen ari dira erraustegiak izango dituen bi labeetako lehenaren instalazio lanak, eta hasiak dira, baita ere, bigarren lerroko lanak. Hain zuzen ere hori da tamaina eta konplexutasun handieneko ekipoetako bat”.

Hondakinak kudeatzeko plan berria

Erraustegia barne hartzen duen 2019-2030 urte arterako Gipuzkoako Hiri Hondakinak Kudeatzeko Plan berria izapidetzen hasi dela iragarri du bestalde, Gipuzkoako Foru Aldundiak. 9 hilabete iraungo omen ditu izapidetze prozesuak “eta administrazioei, talde politikoei eta gizarte eragileei parte hartzeko aukera emango zaie”.

Plan berriak erraustegia eraikia eta martxan izan osteko garaiari begira planteatua dago. “Plan berriak (GHHKPO 2019-2030) hondakinen birziklatzearen eta balorizazioaren zirkulua itxiko du, eta Gipuzkoa prest utziko du ekonomia zirkularraren eta klima aldaketaren erronkari aurre egiteko”. Lehenengo aldiz, Gipuzkoak hondakinen plan bati helduko dio Europako herrialde garatuenen baldintza beretan”, Gipuzkoako Foru Aldundiaren esanetan.

Urratsez urrats, plan berria onartu eta martxan jarri aurretik, honako bide hau jorratzea aurreikusten du Aldundiak:

-Gai honetan eskumena duten administrazio guztiei (udalak, mankomunitateak, interesa duen publikoa eta Eusko Jaurlaritza) aurretiazko dokumentu bat bidaliko zaie beren ekarpenak egiteko. 

-Herritarrek parte hartzeko protokoloa zehaztuko da.

-Aurreproiektua prestatu ostean, alegazioetarako jendaurrean jarriko da.

-Bi hilabeteko parte hartze prozesua egingo da.

-Plan berrirako beste dokumentu batzuen aurkezpena.

-Plan berria Diputatuen Kontseiluen onarpenera.

-Gero, Gipuzkoako Batzar Nagusietara igorriko da, eztabaidatu eta onartua izan dadin.

-9 hilabeteko prozesua, 2019ko otsailean amaitzeko aurreikuspena.

Honatx hitzez hitz, Foru Aldundiak plan berriarekin bete nahi dituen helburuak:

-Prebentzioa maximizatzea.

-Gaikako bilketa eta birziklatzea ahalik eta gehien optimizatzea.

-Konpostajean eta materia organikoaren biometanizazioan ahal den guztia aurreratzea.

-Birziklatu ezin diren hondakin guztiak balorizatzea (erraustea), eta lehen mailako hondakinen isuririk ez eragitea.

Albiste hau Noaua-k argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gipuzkoako erraustegia  |  Errausketa

Gipuzkoako erraustegia kanaletik interesatuko zaizu...
2018-11-14 | Usurbilgo Noaua
Zubietako aurreko erraustegia geratu zenetik bost urte bete dira

Astearte honetan bete dira bost urte Zubietan eraiki asmo zuten lehen erraustegia geratu zenetik. 2013ko azaroaren 13an izan zen. Garai harta EHBildu buru zuen Gipuzkoako Foru Aldundiak, Gipuzkoako Hondakinen Kontsortzioak eta enpresa talde eraikitzaileak erraustegia geratzeko akordioa erdietsi zuten. 


2018-11-12 | Zero Zabor
GuraSOSek "Babes Kutxak" atera ditu salgai Hitzartu prozesua finantzatzeko

Zubieta inguruetan bizi diren neska eta mutilek egindako marrazkiak tapakietan serigrafiatuak dituzten Babes Kutxak aurkeztu ditu GuraSOS elkarteak, horien salmentatik bildutako diruarekin Hitzartu proiektua finantzatzeko. GuraSOSek prentsa oharrean dioenez, "ekimen herritar honetan, hondakinen kudeaketaren inguruan partehartze prozesua burutzen ari da informazioa eta eztabaida soziala bermatzeko".


2018-11-09 | Zero Zabor
OEITeko medikuek Asensio diputatuaren dimisioa eskatu dute, ETBn esandako irainengatik

Osasuna eta Errausketa Ikerketa Taldeak Gipuzkoako Foru Aldundiko Ingurumen diputatu Jose Ignacio Asensioren dimisioa eskatu du publikoki: “gizartearen adimenari egindako laidoak eta GEIS/OEIT-i jaurtitako kalumniak” direla eta.


2018-11-07 | Zero Zabor
Aurrekoetxea doktorea, erraustegia justifikatu duena, Jaurlaritzako Osasun Publikoko zuzendari berri izendatu dute

Eusko Jaurlaritzak urriaren 30an Juan Jose Aurrekoetxea izendatu du Osasun Publikoaren eta Adikzioen zuzendari, kargu hori zeukan Miren Dorronsoren ordez. Aurrekoetxea doktorea Biodonostia erakundeko ikerlaria izan da eta kargu horretatik emana du lekukotasuna Gipuzkoako Batzar Nagusietan argudiatuz, Zubietako erraustegiaren eztabaidan, hondakinen errausketak osasuna kaltetzen duenik ez dagoela demostratuta.


2018-10-30 | ARGIA
Ainhoa Intxaurrandietak beren aurkako jazarpena salatu zuen sorpresaz GHK-ren bileran bertan

Madrilgo Kontu Auzitegiak Ainhoa Intxaurrandieta eta Iñaki Errazkinen alde atera zuen epaia errekurritu ala ez erabaki behar zuen astelehenean. EAJ eta PSEk gehiengoa dute Jose Ignacio Asensio buru duen GHK-n, eta aurreko astean Diario Vasco egunkariak aurreratu gisan, errekurtsoa jartzea bozkatu zuten. Ezusteko bakarra, bileran Ainhoa Intxaurrandieta bera agertzea izan zen. Twitter bidez eginiko hari batean kontatu du gertatua.


2018-10-29 | Zero Zabor
"Kazetariok: ondo informatu erraustegiaz" eskatu dute Rikardo Arregi Sarietan

Ekintzaileek 400 esku-orri ere banatu zituzten egoeraren larria esplikatuz Andoaingo festara hurbilduei. Paperak azken paragrafoan dei zuzena egiten die komunikazioko profesionalei eta are zorrotzagoa hedabide publikoetan ari direnei: “Baina, hori dena gure begien aurrean dugula, zergatik ez diegu herritarrei informazio osoa ematen? Zergatik ez diegu egia kontatzen? Gaur da eguna gure hedabide publikoek gai honi buruz aurrez aurreko eztabaida serio bat egin ez dutena, behin baino... [+]


2018-10-29 | Usurbilgo Noaua
Gipuzkoako erraustegia geratzea exijitu dute milaka gipuzkoarrek Donostian

Milaka herritarrek bete zituzten Donostiako kaleak larunbat arratsaldean. Eragile anitzek babestuta, Zubietako erraustegia geratzea eskatu zuten. Ibilbide osoan zehar, etenik gabekoak izan ziren errausketaren aurkako oihuak.


2018-10-25 | ARGIA
Errazkin eta Intxaurrandieta errugabetu dituen epaiari helegitea jarriko dio Hondakinen Kontsorzioak

GHK Gipuzkoako Hondakinen Kontsorzioak, EAJ eta PSE alderdiek kudeatua, nahi du errazkinek eta Intxaurrandietak ordaintzea 2013an Zubietako erraustegiaren proiektua geratzeak eragindako kalte ekonomikoa (40 milioi euro baino gehiago).


2018-10-23 | Usurbilgo Noaua
GuraSOS: "Zubietan eraikitzen ari diren erraustegiak %110etik gorako gaindimentsioa du"

Berriki Espainiako Kontu Auzitegiak garai batean Zubietan eraiki nahi zen erraustegia gaindimentsionatua zegoela aitortu zuen. Egun eraikitzen ari direna ere hala dago. Zubietan eraikitzen ari diren erraustegiak %110etik gorako gaindimentsionamendua du. Hala adierazi du GuraSOSek astearte goiz honetan Donostian egin duen agerraldi bidez. Hitzartu prozesuaren baitan adituekin osaturiko mahai teknikoa Gipuzkoako Hiri Hondakinen Planaren erredakzio betean da.


2018-10-12 | Estitxu Eizagirre
Lerro artean: Espainiako Kontu Auzitegiak erraustegiaz emandako epaiaren osteko adierazpen gakoen bilduma

Espainiako Kontu Auzitegiak urriaren 10ean ateratako sententziak arrazoia eman die Ainhoa Intxaurrandieta (GHK-ko lehendakari ohia) eta Iñaki Errazkini (Ingurumen diputatu ohia). PSE eta EAJren aldeko botoekin, egungo Gipuzkoako Hondakinen Kontsortzioak (GHK) jarri zuen haien aurkako salaketa. Epaiaren ostean hainbat eragilek hainbat hedabidetan egin dituzten adierazpenen bilduma osatuko dugu albiste honetan.


Azkenak
EGILEA
Eguneraketa berriak daude