Txingudi Bizirik! plataformak eta Errauskailuaren Aurkako Mugimenduak deituta, errausketaren kontrako manifestazioa egin zuten larunbat eguerdian Hondarribian. Hain zuzen, Txingudi Bizirik!ek gidatutako mugimenduak berak lortu zuen bertan eraiki nahi zuten errauskailuaren proiektua atzera botatzea. Zubietan egitekoa dutenerako ere asmo bera adierazi dute.
Giro alaia izan zuen manifestazioak. Eskualdetik zein Gipuzkoako beste herrietatik gerturatu zen jendeak oihu argia zabaldu zuen, “Errausketarik ez, ez Txingudin ez Zubietan”. Gainera, Gipuzkoako Diputazioari zuzendutako mezuak ere bidali zituzten, “Olano, entzun, ez Zubietan ez inon”. Diputazioak iragan astelehenean sinatu zuen obren adjudikazioa.
Manifestazioa amaitzerakoan hainbat adierazpen irakurri zituzten, eta ohartarazi zuten errauste planta eraikitzea “burugabekeria” hutsa dela. Ondorioen artean aipatu zuten isurketa toxikoak igortzen dituela airera, lurrera, eta elikadura katera, eta baliabide xahuketa handia eragingo duela. Herritarrek ordainduko duten “zilegitasunik gabeko zorra” salatu dute; 35 urtez 1.500 milioi euro ordainduko dituzte gipuzkoarrek zaborra erretzeagatik.
Zentzu horretan, azpimarratu zuten Txingudiko udalek, zein Gipuzkoako herri handi gehienek (Donostia, Eibar, Errenteria, Lasarte-Oria…) “ezer gutxi” egiten dutela gaikako bilketa bultzatzeko. Eskualde horietan, pertsona bakoitzeko 260 kilo hondakin botatzen dituzte zabortegira. Kontrara, Hernani, Usurbil edo Debagoienako herri ertain eta handietan 80 kilo baino gutxiago botatzen dituzte. Honela, azaldu dute Gipuzkoako arduradunen aldetik “borondate apur bat” balego, posible dela gaikako bilketa on bat egin eta erraustegirik gabe bizitzea.
Bideoa: Sutondoan
Argazkiak: Bittor Bengoa Altuna
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.
Lasarte-Oriatik Zubietako erraustegira martxa deitu du Errausketaren Aurkako Mugimenduak apirilaren 29rako, 11etan abiatuta, "Erraustegia, airea, ura eta lurra kutsatzen" aldarripean, aipatu plantaren "errealitate kutsatzailea" agerian uzteko. Herritarrak... [+]
Azaroaren 19an goizerako hitzaldi berezia antolatu du Hernanin Zero Zabor elkarteak: Holandako ToxicoWatch fundazioak Zubietako erraustegiaren kutsaduraz 2021ean bildutako laginekin egin duen txostena oinarri hartuta, Errausketaren Aurkako Mugimenduko bi kidek datuak eta... [+]
Abenduaren 20ko Bergarako Ohiko Udal Batzarrean mozioa aurkeztu dute bi herritarrek eta gaia eztabaidatu dute ondoren udaleko alderdi politikoek eta herritarrek. Mozio horrek laburtzen ditu Bergarako erraustegiaren auziko puntu nagusiak.
Ekologistak Martxan taldeko ordezkariak Greene enpresari aurpegiratu dio “gezurretan” aritzea eta herritarrei “datuak ezkutatzea”; hondakinak pirolisi bidez tratatzearen kalteez ohartarazi du. Proiektuaren arduradunek, ordea, plantaren... [+]