Errauskailuaren eraikitzaileak prentsatik bultzaka berriro
Diario Vasco egunkarian Fernando Segura kazetariak gaur argitaratu duenez, Gipuzkoako errauskailua eraikitzeko lehiaketa irabazi zuten enpresek auzitegietara jotzeko mehatxu egin diete Hondakinen Partzuergoko arduradunei, obrak berehala hasi ezean. Une honetan ezin da Internetez irakurri “Las constructoras de la incineradora pleitearan si persiste el bloqueo” albistearen testua osorik.
Barruko tituluetan dio berriak: “Las constructoras exigen al Consorcio una respuesta inmediata sobre la incineradora“. Beste zenbait esaldi: “En una carta dirigida a Alduntzin afirman que ‘hemos demostrado una infinita paciencia’“, “Aseguran que están dispuestas a la confrontación y añaden que GHK trata de ganar tiempo y presionar a la UTE” eta “Las adjudicatarias podrían reclamar 24 millones de euros“.
Gaurko Diario Vascon hasierako bi orriak osorik eta editoriala merezi dituen albiste hau aurreko beste batzuen haritik dator. Joan den urtarrilaren 28an ARGIAren ZZ blogak Errauskailuaren eraikitzaileak bultzaka albistea, iturritzat egunkari beraren “El Consorcio y las constructoras de la incineradora no llegan a un acuerdo” zeukana, honela laburbildu zuen: “Gipuzkoako Hondakinen Partzuergoaren eta errauskailuaren eraikitzaileen artean ez dira ados jartzen aurrera begira egin beharrekoaz. FCC, Zerbitzu Elkartea, Altuna y Uria, Murias eta AE&E enpresek sortutako elkarteak, Zubietako errauste planta eraikitzeko lehiaketa irabazi zuenak, eskatzen omen dio argitzea edo eraikuntzari ekin behar zaion edo bestela Partzuergoak paga diezaizkiela 24 milioi euroko (ia 4.000 milioi pezetako) kalteordainak”.
Bitxia da nola justu orain dela urte bete, 2012ko otsailaren 18an, oso antzeko tituluz bataiatu zuenDiario Vascok albiste berdintsua: “Las constructoras exigen al Consorcio una decisión «inmediata» sobre la incineradora“. Antza denez, orduan bezala orain errauste plantaren eraikuntza lanen kontratua berenganatu zuten enpresek daukaten helduleku nagusia datza egunotan hainbeste zalaparta sortu duen errauskailuaren finantziazio planean.
Gaur El Pais egunkarian Mikel Ormazabalek esplikatu ditu 2011ko otsailean orduan Gipuzkoako Aldun Nagusi zen Markel Olanok, Partzuergoko presidente Carlos Ormazabalek eta Inbertsioetarako Europako Bankuaren ordezkari Lucca Lazzarolik sinatutako kontratuaren zertzeladak: “La letra pequeña de la incineradora“. (Oharra: Interneteko bertsioan ipini dutena ez da artikuluak aipatzen duen argazkia, Diario Vascoren 2011-02-04ko foto hau baizik). Balizko 24 milioiko kalteordain horiek zer esan asko emango dute aurrerantzean ere.
Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera salatzeko elkarretaratzera batzeko dei egin die herritarrei.
Suhiltzaileek beste sute bat itzali behar izan zuten abenduaren 27an Zubietako erraustegian.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]