Ernaik jakinarazi du IA-rekin zuen aliantza bertan behera gelditu dela eta hezkuntza eremuan jarduteari ekingo diola

  • "Hilabeteak dira jada Ikasle Abertzaleak eta gazte antolakundeak urte luzez garatutako aliantza estrategikoa bertan behera gelditu zela, berau mantentzeko baldintzak sustengatzen zituzten adostasunak hautsi zirela iritzita", adierazi du ostiral arratsaldean Ernaik. Hezkuntza problematikaz eta ikasle borrokaz ahots propioz hitz egiteko beharra sentitzen dutela adierazi dute, eta horregatik, eremu honetan jarduteari ekingo diotela.

ARGIA @argia
2018ko urriaren 08a
Prentsaurreko jendetsua eskaini zuen Ernaik irakurketa hau plazaratzeko.

Jarraian Ernairen irakurketa osorik:

Hezkuntza eremuan jarduteari ekingo diogu

Ikasle borrokaz Euskal Herria sozialista eta feminista irabaztera goaz!

2013. urtean Ernai gazte antolakundea sortu genuenean, hezkuntzaren inguruko erabaki estrategikoak hartu genituen garaiko Ikasle Abertzaleak antolakundearekin batera. 25 urtez ikasle eremuan antolatzen zen mugimenduari zilegitasun eta konfiantza guztia eskainita, historikoki sustraitutako aliantzari heldu eta Ikasle Estrategiaren lanketa Gazte Estrategiaren baitan kokatzeko erabakia hartu genuen. Egun, zeharo aldendu da antolakunde bakoitzak hezkuntzaz eta eremu honetan egin beharreko lanaz duen ikuskera eta praktika politikoa.Horregatik, hilabeteak dira jada Ikasle Abertzaleak eta gazte antolakundeak urte luzez garatutako aliantza estrategikoa bertan behera gelditu zela, berau mantentzeko baldintzak sustengatzen zituzten adostasunak hautsi zirela iritzita.

2018. urtean Euskal Herrian bizi dugun abagune politikoak eta Ezker Independentismoaren erronkak kontutan izanda hezkuntza problematikaz eta ikasle borrokaz ahots propioz hitz egiteko beharra sentitzen dugu; Euskal Herriaren burujabetza eta Euskal Herriko Hezkuntza Sistema propioaren eraikuntzaren beharrak gaurkotasun osoa du egungo momentu historikoan. Bidenabar, arduragabekeria hutsa litzateke ikasle borroka Ezker Independentismoaren erronketatik kanpo ulertzea.

Sistema kapitalista patriarkalaren katebegi garrantzitsua da hezkuntza; zentzu horretan, borrokarako esparru ezin garrantzitsuagoa da bestelako bizi eredu baten eraikuntzan jarduten dugun gazteontzat. Gaur hemen elkartu garen ikasle eta gazteok ez dugu pretsonok merkantzia izatera bideratzen gaituen Hezkuntza Sistema arrotza onartzen jarraitu nahi. Uko egiten diogu pertsonok merkantzia bezala erabiliak izateari, ez dugu hezkuntza sistema enpresarien interesen araberako lan indarra sortzeko ekoizpen bitarteko bezala ulertu nahi. Ez dugu Madriletik eta Paristik inposatutako curriculumek gure herria ezabatzerik nahi, eta ez dugu tokian tokiko politikariek Hezkuntza Komunitatea isilarazterik nahi.

Burujabe izan nahi dugu; gure erabaki eta buruen jabe. Gure anbizio eta ametsak Euskal Herri euskaldun, sozialista eta feministaren eraikuntzan ulertzen ditugu. Pertsona askez osatutako jendarte libre bat eraiki nahi dugu. Horrenbestez, ikasle borroka hezigunez hezigune garatu behar dela ulertzen dugu, tokian tokiko borroketatik egunerokotasuna iraultzeko anbizioarekin. Euskal Herrian, hamaika egitasmo dira honen adibide, hezkuntza esparruan ere bai. Horiekin guztiekin batera egin nahi dugu burujabetzarako bidea. Izan ere, Euskal Herrirako Hezkuntza Sistema propioa eta burujabearen aldeko olatua Hezkuntza Komunitate osoarekin elkarlanean egin behar dela deritzogu.

Euskal Herriko Langile eta herri sektore zapalduen mesedetara egongo den hezkuntza ereduaren inguruko eztabaida bizi-bizi dago. Hezkidetzatik hasi eta euskalduntzera, klase edota arraza segregaziotik, ikasleok subjektu bezala aitortzen gaituen Hezkuntza Sistemara. Lehen pertsonan interpelatzen gaituzten eztabaidak dira hauek eta gu geu izan behar gara Euskal Herria sozialista, feminista eta euskalduna eraikitzeko klabeetan borrokatzen ditugunak. Inposizio español, matxista eta autoritarioa parez pare lehiatuko dugu. Sistema kapitalista eta patriarkalaren ereduarekin lehian, kaleak hartu eta proposamen berriak praktikara eramanez.

Guzti honengatik, hezkuntza eremuan jarduteari ekingo diogu Ernai gazte antolakundeko kideok eta Euskal Herrirako Hezkuntza Sistema propioa eta burujabearen eraikuntzan antolatu, dinamikak planteatu eta hausnartzeko konpromisoa hartzen dugu. Izan ere, historikoki mantendutako aliantza estrategikoaren agorpenaren ondorioz, ez dugu erronka hauei heltzeko asmorik duen ikasle antolakunderik aurkitzen. Hori horrela, Euskal Herri aske, sozialista, feminista eta euskaldunera bidean, beharrezkoak diren tresnak jarriko ditugu martxan. Ezin dugu hezkuntzatik Herria eraikitzeko parez pare daukagun aukera galtzen utzi. Ikasle borrokaz Euskal Herria sozialista eta feminista irabaztera goaz!

Gora Euskal Herria askatuta!

Gora euskal gazteria!

Gora ikasleon borroka!

Gora Ernai!

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gazte mugimendua  |  Ernai  |  Ikasle mugimendua

Gazte mugimendua kanaletik interesatuko zaizu...
Hondarrak; erlojupeko desjabetze baten kronika
MULTIMEDIA - dokumentala
Zarauzko Danda gazte asanbladak sortutako dokumentala da ‘Hondarrak’: "herri-ereduak ezkutatzen duena erakusteko, hondarpean dagoena azaleratzeko, herriari ahotsa emateko, hausnartzeko eta eztabaidatzeko". Irailaren 5ean estreinatu zuten lana Zarauzko Putzuzulo gaztetxean.

2018-10-18 | Topatu.eus
#GazteBira, prekarietatearen kontrako norantzan

Urriaren 11, 12 eta 13an, Ernai gazte antolakundeak deituta Hego Euskal Herriko lau hiriburuetatik pasa zen Gazte Bira ekimena. Prekarietateak gazteen bizitzak zeharkatzen dituen moduak azaleratzea eta Oraina borrokatzeko koordenadak txostena hedatzea helburu, hezkuntza, enplegua, etxebizitza eta feminismoa izan zituzten hizpide gazte mugimendu ezberdinetako partaideek.


2018-10-17 | I˝igo Igartua
Manifestazio nazionala deitu dute urriaren 27an Nafarroako gaztetxeen alde indarrak biltzeko

Maravillas, Errotxapea eta Lizarrako gaztetxeen aurkako prozesu judizialak irekita daude eta epe motzean kaleratuak izateko arriskuan daudela ohartarazi dute manifestazioa deitu dutenek.


2018-10-16 | Kijera Gaztetxea
Eneko Goia eta Donostiako udal gobernuari zuzendutako komunikatua

Hilabete pasa da gaztetxeak Eneko Goia alkateari negoziazio mahai bat eskatu genionetik, udal gobernutik ez dugu erantzunik jaso ez ofizialki eta publikoki ere ez. Orain hilabete pasa ondoren auzoan lanean eta auzoa eraldatzen jarraitzen dugu, herri liburutegia, jantokia, joskintza taldea, haurtxoa, kolektibo ezberdinentzako bilera gelak, auzoko frontoi estali bakarra…


2018-10-09 | ARGIA
Sortuk jakinarazi du ez duela babestuko Ikasle Abertzaleen espazio politikoa

Ernaik joan den ostiralean publiko egin ostean IA-rekin zuen aliantza bertan behera gelditu dela eta hezkuntza eremuan jarduteari ekingo diola, Sortuk ere oharra kaleratu du. "Hemendik aurrera ezker abertzaleak ez du gaur Ikasle Abertzaleak siglak ordezkatzen duen espazio politikoa inola ere elikatuko ez eta babestuko ere", adierazi dute. Bilboko Erronda kaleko etxebizitzaz ere beren posizioa jakinarazi dute.


2018-10-07 | Xalba Ramirez
Gazte memoriari heltzea
Jarraitik Ernai eta Aitzinara 40 urte

Ameriketako ipar-mendebaldeko jatorrizko herrien arteko zeremonia bat kontatu zuen Eduardo Galeanok. Erretreta hartzera doan eltzegileak, bere maisu lana ematen dio ofizioa ikasten ari den gazteari. Eta eltzegile gazteak ez du ontzi perfektu hori begiratzeko eta miresteko gordetzen; aitzitik, lurraren kontra lehertzen du, mila puskatxotan hautsi, puskatxoak jaso eta bat egiten ditu bere buztinarekin.


2018-10-05 | Euskal Irratiak
Irungo Lakaxita gaztetxeko kanpalekua ixtea erabaki du Harrera Sareak

Irungo Harrera Sareak Lakaxita gaztetxeko kanpalekua ixtea erabaki du. Egunetako kontua da eta asteazkena baino lehen izan daiteke. Honekin batera aurreratu dute, Lakaxita gaztetxean biltzen diren pertsonak ez direla kalean geldituko.


2018-10-03 | ARGIA
Urriaren 11, 12 eta 13an 'Gaztebira'
Prekarietatearen aurkako ekimenak antolatu ditu Ernaik Hego Euskal Herriko hiriburuetan

Ernaik datorren urriaren 11tik 13ra Bilbo, Gasteiz, Iruñea eta Donostian egingo duten Gaztebiraren egitaraua jakinarazi du. Bira hau prekarietatearen aurkako kanpaina izango da.


'Jaiki' izeneko talde politiko berria sortu da Arrasaten

"Alderdi politikoetatik at herrigintza borrokalaria bultzatzeko" asmoz jaio den taldea da. Herriko gazte batzuk daude ekimenaren atzean, eta "independentzia, sozialismoa, feminismoa eta euskaltzaletasuna izango dituzte" ardatz.


Migratzaile gaztetxeroak

Irailaz geroztik Donostiara ez da migratzaileen autobusik iristen eta Zorroagako harrera zentroa hutsik dagoen bitarten, hamalau pertsonak gaztetxean egiten dute lo. Izan ere, Donostiako herritarrek eta hainbat eragiletako kideek Hiritarren Harrera Sarea sortu zuten. Hasieran Aralarrek utzitako lokalean moldatu ziren baina egun gutxira Txantxarrekako gazteekin jarri ziren harremanetan, gaztetxea pertsona desplazatuen “gune segurua” bilakatu zedin. Gazteek baiezkoa eman zuten eta... [+]


Azkenak
EGILEA
Eguneraketa berriak daude