ARGIA.eus

2022ko ekainaren 26a

Erbetegi etxe historikoa bota dute Donostian, AHT egiteko

  • XVI. mendeko dorretxea larunbatean eraitsi zuten hondeamakinek Donostiako Martutene auzoan. Hiriko arkitektura kultuaren adibide bakan eta zaharrenetakoa zena ez mantentzea erabaki zuen administrazioak eta AHTko obrek aurrera egiteko bota dute, hainbat familia etxegabetu ostean.

Eraikin historikoa goitik behera bota dute, lehen solairuko harlandu batzuk salbu.
Urko Apaolaza Avila @urkoapaolaza
2021eko martxoaren 01a

Larunbatean eraitsi zuten Erbetegi dorretxea. Donostiako ondare arkitektonikoaren parte garrantzitsua, Ancora elkartearen esanetan, jada argazkietan baino ez dugu ikusiko. Abiadura Handiko Trenaren trazatua haren ondotik igaroko dela-eta bota dute eraikina larunbatean hondeamakinek. Bertan bizi ziren azken bizilagunek otsaila hasieran utzi behar izan zuten euren etxea, derrigorrezko desjabetze azkarren ondorioz.

Hainbat familia bizi zen oraindik Erbetegin.

Erbetegiri izena Miguel Pérez Erbeeta batxilerretik zetorkion, XVI. mende hasieran Donostiako alkate izandakoa. Balizko Arkeologia Gune gisa katalogatua, arkeologoek onartu dute eraikina mende hartakoa zela eta orduko planoetan ere ageri da; areago, arkitektura zibil eta kultuaren elementu garrantzitsuak zituen. Baina Bigarren Gerra Karlistan bere barne egitura erre egin zela argudiatuta, bota egin dute.

Gipuzkoako Foru Aldundiko Kultura Sailak adierazi zuen atariko arkua eta beste hainbat elementu Irungo Gordailuaren biltegira eramango dituztela eta eraikinaren lehen solairuaren zati bat ere bere horretan utziko zutela. Hiruzpalau paletan pilatu dituzte harlandu batzuk, gainerakoa hondar eginda geratu da.

Erbetegin hamaika familia bizi ziren eta AHTren hasierako proiektuak euren etxea mantentzea aurreikusten zuen arren, "egunkari eta buletin orokorren bidez" jakin zuten trazatua aldatu eta eraikina behera botako zutela, jendaurrean azaldu zutenez. Adifen eta Donostiako Udalaren jarrera gogor salatu dute, indemnizazio "irrigarriak" eskaini dizkietelako eta etxebizitza bat modu duinean edukitzeko aukerarik ez dietelako eman, alokairu sozialetik harago.

 

 


Ondare arkitektonikoa kanaletik interesatuko zaizu...
2021-11-29 | ARGIA
Donostiako erdigunean XIX. mendeko etxe bat eraitsiko dutela ohartarazi du Áncora taldeak

Alde Zaharraren ondoan dagoen Aldamar kaleko 1 zenbakiko eraikina dira eraistekoak, oso-osorik. Kultur ondarea ezagutaraztea eta babestea helburu duen Donostiako Áncora taldeak adierazi du Donostiako Udalak “inolako argudiorik eman gabe” eraikina eraisteko... [+]


Japoniako inbertsio funts pribatu batek erosi du Donostiako Santa Teresa komentua

Londresen oinarrituta dagoen inbertsio funts pribatu japoniar batek erosi du azkenean Parte Zaharrean dagoen Santa Teresa komentua, Diario Vascok argitaratu duenaren arabera. Country Hall Arts (CHA) izena du inbertsio funtsak, eta webgunean duten informazioaren arabera, artean,... [+]


Analisia
Nafarroako urtegiak minimoen azpitik: zer utzi du agerian lehorteak?

Euskal Herriko hainbat tokitan izan dugun uda idorra ari da nabaritzen jadanik. Ebroko Konfederazio Hidrografikoak (CHE) jasotako datuen arabera, Nafarroan biltegiratutako ura azken hamarkadako batez bestekoaren oso azpitik dago, eta Esako urtegiaren kasuan gehienezko mailaren... [+]


'Burdin Hesi Txikia' induskatuko dute Markina-Xemeinen

Ahaztuen Oroimena elkarteak memoriaren ibilbide bat osatu du Markina-Xemeingo Iturreta auzoan, Baldaburu inguruan geratzen diren 1936ko Gerrako bunker eta azpiegiturak ezagutzeko. Ekaineko hurrengo asteetan ‘Burdin Hesi Txikia’ ere deituriko bigarren guda-lerro hori... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude