Babestutako eraikin bat eraitsi dute Forondan adinekoen makro-egoitza pribatu bat eraikitzeko
Arabako Foru Aldundiak ikerketa bat abiatu du Forondako Markesaren Jauregiaren eremuan, makro-egoitza bat eraikitzeko lursailean eraikin babestu bat bota ote duten ebazteko.
Hala jakinarazi du El Correo-k. Egunkari horren arabera, «birgaitzeko eta berritzeko erregimen berezia» zuen eraikin bat erabat eraitsi dute Gonzalo Antonen Promociones Murgoitioren jabetzako lursail batean adinekoen egoitza bat eta gastronomia eskola bat eraikitzeko. Gonzalo Anton enpresaria da eta Deportivo Alavés futbol-taldeko presidentea izan zen.
Eraitsitako eraikina ez da jauretxea, lursail honetan dagoen beste eraikin bat baizik. 2019an utzi zion lursailak Aldundiaren jabetzakoa izateari, 1,2 milioi euroren truke, eta enpresari arabarrak 24 milioi euroko inbertsioa egiteko asmoa du.
Eraikina jauretxe nagusiaren eraikin osagarria zen. Gasteizko Udalak Aldundiari jakinarazi dio eraikina Hiri Antolamenduko Plan Orokorraren (HAPO) katalogoan babestu beharreko elementu gisa agertzen dela, birgaitzeko eta berritzeko erregimen berezi batekin. Eraikinaren babes-araubidearen arabera, fatxada eta «oinarrizko bolumetria» mantendu behar ziren, baina eraitsi egin zuten 2020an.
Hori arau-hauste «oso larria» da Euskal Kultura Ondarearen Legearen arabera. Legeak milioi bat euro arteko isunak aurreikusten ditu, eta, gainera, «erantzuleek, ahal denean, berreraiki» egin beharko dutela dio.
200 edo 300 lagunentzako lekua izango duen egoitza pribatu bat egingo dute eraikina eraitsi duten lursailean. Arabako egoitza pribatu handiena izango da.
Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]
Berriki Donostiako Arkitektura Eskolan agerkunde arkitektoniko bat izan dugu. Tesi doktoral baten markoan eta Ibon Telleria arkitektoaren eskutik, euskal baserriaren inguruko ezagutzaren aldaera bat azaldu da. Ekarpenak dio, lagar ereduaren baserrien hasierako eraikuntza 1450... [+]
Baserri ingurunea dramen gertakari izan da berrietan, eskopeta eta hondeatzailea bitartekari. Notizietako baten arabera, Moskenea zuen izena, eta akabatua izan da. Bere haragia harri eta egurrezkoa bazen ere, bere desagerpenak inpaktua sortu eta tristura ekarri du. Hondarribiko... [+]
Herrietako elizen zaintzaz arduratzen ziren emakumeak ziren serorak eta Euskal Herri osoan ezagunak izan ziren, Erdi Arotik XX. mendera arte. Baina bete zuten funtzioa ez zen berdina izan lurralde guztietan, ezta garai guztietan ere. Emakume haiek publikoki nabarmentzen ziren... [+]
Hondarribiko Zimizarga auzoan zegoen Moxkanea izeneko baserria bota dute egunotan hondeamakinek. Baserriaren lehen aipamenak 1663. urtekoak dira eta garai hartan Bidasoa bailaran eta Lapurdin hedatu zen tipologia arkitektonikoa mantentzen zuen. Udalak gertatutakoa... [+]