Langile bat hil da Erandion lau metroko altueratik erorita
2023an dagoeneko 45 pertsona hil dira lan istripuetan Euskal Herrian. Halaber, aurten altueratik erorita hiltzen den laugarrena izan da 32 urteko langilea.
Erandion amianto egitura bat eraisten ari zela lau metroko altueratik erorita larriki zauritu zen langilea hil da, LAB sindikatuak jakinarazi duenez. Sindikatuak adierazi du Reformas Mayer enpresako 32 urteko langileak ez zuela babeserako lotura sistemarik erorketa gertatu zenean.
“Bereziki deigarria da amiantoa kentzeko prozedura baten baitan horrelako istripu bat izatea, prebentzio neurriak eta enpresariaren partetik ezarritako kontrola muturrekoa izan beharko litzatekeenean”, adierazi du LABek. Halaber, azpimarratu du horrek erakusten duela “ez dela prebentzio araudia betetzen” prozesu arriskutsuak izanik ere: “Langileek beren bizitzarekin ordaintzen dute hori”.
2023an dagoeneko 45 pertsona hil dira lan istripuetan. Erorketagatik iaz 11 hil zirela adierazi du sindikatuak, eta aurten dagoeneko lau dira. Horren atzean dagoena salatu du: “Onartezina da horren maiz gertatzen den lan-istripu mota baten aurrean beharrezkoak diren bitartekoak ez jartzea. Agerikoa da Lan Ikuskaritzak, Osalanek eta Gobernuek ez dituztela jarduera horiek kontrolatu nahi. Horren atzean erabaki politiko bat dago”.
Konponbiderako deia
Prekarietatea “laneko heriotzak eragiten dituen arrisku faktorea” izateaz gain “esplotazio-modu bat” dela salatu du LABek. Konponbiderako “langileen presioa eta mobilizazioa” behar direla azpimarratu du, eta deituko diren mobilizazioetan parte hartzeko gonbidapena luzatu.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.