Hustearekin "gutxienez" hogei pertsona migratzaile kaleratu dituzte Donostiako Kontseilu Sozialistak jakinarazi duenez. Donostiako Okupazio Bulegoak elkarretaratzea deitu du asteazken arratsaldean, kaleratzea salatu, kaleratuei babesa adierazi eta etxebizitza eskubidea aldarrikatzeko.
Asteazkenen goizean, 09:00etan, Ertzaintza Donostiako Egia auzoko Mundaiz kalera hurbildu da, 14. zenbakidun eraikina hustera. Irutxuloko Hitzak jakinarazi duenez, epaile baten aginduz gauzatu da kaleratzea. Iturri horren arabera, eremu horretako eraikinak Adifenak dira, eta eraistea aurreikusten dute. Donostiako Kontseilu Sozialistak jakinarazi du "gutxienez" hogei lagun etxe kaleratu dituztela.
Gedar.eus kazetak jaso duenez, hustutako eraikineko bizilagunak migratzaileak dira, eta ez da antzerako ezaugarriak dituen lehen hustea Donostian. Gogorarazi dute 2020an Infernua izeneko pabiloitik hainbat pertsona kaleratu zituztela, eta iaz Martutene auzoan ere hamar migratzaile kaleratu zituztela eraikin batetik.
Gertakaria salatu, kaleratuei babesa adierazi eta etxebizitza eskubidea aldarrikatzeko, Donostiako Okupazio Bulegoak elkarretaratzea deitu du asteazken arratsaldeko 19:00etan, Tabakalera aurrean
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.