Erabakitzeko eskubiderik ezean, EH Bilduk ez du onartuko estatus politiko berririk
EH Bilduk funtsezkotzat jotzen du estatus berriak erabakitzeko eskubidea jasotzea. Hala nabarmendu dute otsailaren 4an Hernaniko Oronan eginiko ekitaldian. Jaurlaritzako Autogobernu Lantaldean aurkeztuko duten proposamenaren berri eman dute eta egungo egoera aintzat hartuta, erabakitzeko eskubidea jasotzen duen alderdien arteko akordio bat posible dela adierazi du Arnaldo Otegik.
“Espainiako Estatuak eskaintzen duen demokrazia eskasaren aurrean, kalitatezko demokrazia eraikitzea proposatzen dugu”, nabarmendu dute aurkezpen ekitaldian. Erabakitzeko eskubidearen aferan ohartarazi du, akordiorik lortzen ez bada, ez dela Madrilen errua izango, Euskal Herriko eragileena baizik.
EAEk Espainiako Estuarekin duen dependentzia dela eta, eskumenak albo batera utzi eta maila beretik abiatutako harremana sustatu behar dela azpimarratu du Otegik. “Bizkaia, Gipuzkoa eta Arabak bat eginik gainontzeko lurralde euskaldunekin eta Espainiako Estatuarekin eduki nahi duen harremana izan behar da egungo eztabaida”. Eredua aldatzen ez bada, estatus berria sortzea ezinezkoa izango dela argi utzi nahi izan dute.
Hemen duzue dokumentu osoa eskuragarri.
Hemen posible da erabakitzeko eskubidearen inguruko akordioa lotzea. Ez bada egiten, ezingo diogu errua Madrili bota. pic.twitter.com/68XZhXiUQ1
— Arnaldo Otegi (@ArnaldoOtegi) February 4, 2018
📽 Gure proposamenak demokrazia du ardatz. Herritarren borondatea izan behar da muga bakarra, beto eskubiderik gabe @MaddalenIriarte pic.twitter.com/pwFcrphe8v
— EH Bildu (@ehbildu) February 4, 2018
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Donostiako Udaleko EH Bilduko zinegotzi Amaia Almirall Lopez de Luzuriagak mozio bat aurkeztu du eta ostiralean bozkatuko dute alderdiek. Joan den maiatzean Ertzaintzako bi agentek herritar baten hizkuntz eskubideak urratu izana eta ARGIAren aurkako salaketa aipatzen ditu eta "bere herritarrak babesteko eta Donostian euskaraz egitea errealitate bihurtzea helburu" izateko eskatuko dio Donostiako Udalari Udalbatzak.
Nafarroako zerrenda-burua izango da Bel Pozueta, Espainiako Kongresuko hauteskundeetan. Behin baino gehiagotan salatu izan dute Altsasuko gazteen afera Espainiako Kongresuan.
Martxoaren 21ean bozkatuko du EAEko Legebiltzarrak Jon Darpón Osasun sailburuaren gaitzespena, Osakidetzako Enplegu Eskaintza Publikoko azterketetako filtrazioen eskandaluaren harira. EH Bilduk koska bat harago eraman du Elkarrekin Podemosen hasierako planteamendua, lehendakariaren esku-hartzea eskatuz.
Argi Iturralde eta Iñaki Balerdi lasarteoriatarrak auto istripuan hil zirenetik hamasei urte bete dira ostegunean. Semea eta anaia bisitatzeko asmoz Almeriako espetxera bidean zihoazela zendu ziren. Istripu berean Joxe Balerdi ere larri zauritu zen, bizi osorako ondorioak utzita. Txintxarrik eman du ekitaldiaren berri.
Sortu alderdia, eskuin aldera egindako biraketa berria dela eta, aho zabalik utzi gaitu berriro ere. Irakurri berri dugunaren arabera, oraingo honetan, larriki gaixo dauden euskal preso politikoentzako espetxealdi arindua eskatu egin du. Gehiegizkoa al da aske utzi eta euren etxean suspertzea exijitzea baldin eta, zorte onez, halakorik posible balitz? Posible eta “ezinezko” dikotomiak, nazio eta klase etsaiarentzat onargarria dena aldarrikatzera garamatza.
Espainiako Estatuak ez dio helegiterik jarri Bateragune auziko epai europarrari eta honenbestez, behin betikoa da sententzia. Horrenbestez, Arnaldo Otegi eta harekin batera atxilotu zituzten ezker abertzaleko kideei ezarritako zigorrak bidegabeak direla baieztatu da. Kondenak beteta irten ziren kalera, baina ezarritako inhabilitazioei eragin diezaioke egoera berriak.
Tokiko Administrazioaren Erreformarako Legea zen gai nagusia, urtarrilaren 31n. Tentsioa nabaria zen Nafarroako Legebiltzarrean. Onartu edo ez, Ahal Dugu-Orain Bai-ko taldearen ezbaiaren arabera zegoen. Orain Baiko legebiltzarkide Fanny Carrillok ebatzi zuen azkenik. 26 alde eta 24 aurka.
Kanpoan geratu ziren eskakizun batzuk txertatu dituzte azken orduan: lan baldintzen atalean eta sindikalgintzaren inguruan. Dena dela gaur goizean batzartu eginen dira berriz ziurtatzeko Orain Bai talde osoaren aldeko botoa.
Araudi berria hilabete eskas egon da indarrean. Orain, 2013ko Hiriko Alokairuen Legea aplikatuko da ostera, hiru urteko kontratuak egitea ahalbidetzen duena dekretuak ezartzen zuen bost urtekoen ordez.
Estatus berriaren hitzaurrearekin edo Araba, Bizkaia eta Gipuzkoarako estatutu politikoaren sinadurarekin batera (Euskal Herriaren zatiketatik sortua eta horretan oinarritua), beste deriba-mugimendu bat gertatu da halabeharrez. Ez ahaztu Euskal Herriak uko egin ziola estatutuari eta haren bitartez Espainiako diktadura burges diktadura bihurtu zela (monarkikoa eta parlamentarioa), penintsulako, kontinenteko eta nazioarteko kapitalaren aginduetara.
