Epaitegiek berriro ebatzi dute erraustegia gelditzea ez zela delitua, Intxaurrandieta eta Errazkinen alde
Espainiako Kontu Auzitegiak atzera bota du EAJ eta PSEk kontrolatzen duten Gipuzkoako Hondakinen Kontsortzioak (GHK) Ainhoa Intxaurradieta eta Iñaki Errazkinen aurka aurkeztutako elegitea. 46 milioi euroko zigorra eskatzen zieten Bilduko ordezkari ziren garaian, erraustegia gelditu zuen lantaldeko kideak izan zirelako. GHK-k kasazio elegitea aurkez dezake oraindik.
Berriro ere, zazpi hilabete beranduago, Espainiako Kontu Auzitegiak ebatzik du Gipuzkoako Aldundiko eta GHK-ko arduradun ohi Iñaki Errazkin eta Ainhoa Intxaurrandietaren alde. EAJ eta PSEko kideek elegitea aurkeztua zuten bi pertsona hauei zigor ekonomiko handia eskatuz.
Naiz eta Berriak argitaratu dutenez, epaia argia da. Besteren artean dio "2011ko maiatzaren 12an sinatu zen "Rebalorizazio Energetikoko Planta"-ren kontratua "gaindimentsionatua" zegoela. Beraz, aurreikusia zegoen bezala eraiki izan balitz, "horra bideratu beharreko Gipuzkoako hondakinak ez ziratekeen nahikoak izango instalazioaren funtzionamendurako".
Ainhoa Intxaurrandietak otsaileko Larrunen honela baloratu zuen epaiketa: "Hauxe da Madrilen epaituko dena: herritarrok, desberdin pentsatzen dugun alderdietako kideok, ba ote dugun elite ekonomikoari etekin izugarriak sortzen dizkien azpiegiturak geratzeko zilegitasunik".
Apirilaren 12ko saioan, Iñaki Errazkin eta Ainhoa Intxaurrandietari galdeketa egin zioten eta Denis Itxaso eta Arcadio Benitez aritu ziren demandak proposatutako lekuko gisa. Benitez Eibarko zinegotzia da (PSEkoa) eta Debabarrena Mankomunitateko lehendakaria.
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.