Vozpopuli agerkarian Alejandro Requeijo kazetariak emandako informazioaren arabera, otsailaren 2an ZIUn sartu dute hainbat egunez erietxean den Enrique Rodríguez Galindo eta bere egoera larria da. Hedabide berak dio beste iturri baten arabera urtarrilaren 31n sartu zutela ZIUn, erietxean ia bi aste eman ostean. 82 urte ditu laster betetzekoak.

Guardia Zibilaren Intxaurrondoko koarteleko arduradun nagusia izan zen 80 eta 90eko hamarkadetan. Josean Lasa eta Joxi Zabala bahitu, torturatu eta hiltzeagatik kondenatu zuten 2000. urtean 75 urteko kartzela zigorrera. 2004an atera zuten kartzelatik osasun arrazoiengatik eta 2013ko urrian baldintzapeko askatasuna eman zioten, hain justu Lasa eta Zabalaren bahiketaren 30. urteurrena bete zenean.