Energia asko kontsumitzen duten ordenagailuak debekatu dituzte AEBetako hainbat estatutan
Ordenagailuentzako efizientzia energetiko estandarrak arautu dituzte AEBetako hainbat estatuk eta beraz, gaur egun merkatuan diren aparailuetako batzuk debekatuta daude leku horietan. Erabaki horri esker, lortuko dute urtero milaka tona C02 ez jaurtitzea airera.
Kalifornia, Oregon, Washington, Vermont edo Hawaitik internetez ordenagailu oso pontenteak –eta energia asko kontsumitzen dutenak– eskatu dituztenek saltzaileen oharra jaso dute dagoeneko: uztailetik, ezin dute maila batetik gora kontsumitzen duten aparailuak sartu estatu horietan. Politika klimatikoaren helburuak betetzeko asmoz egin dute araua gobernuek.
Baliabide Naturalen Defentsarako Batzordeak egindako aurreikuspenen arabera, Kalifornian hartutako arauei esker 2.300 milioi kWh elektrizitate baino gehiago aurreztuko dute urtero (estatu horretako San Frantzisko hiriko etxeetan kontsumitzen dena bezainbeste). Beste era batera esanda: neurriei esker 730.000 tona C02 gutxiago jaurtiko da airera.
Halako neurriak hartu ezean, hainbat aurreikuspenek diote 2040an handiagoa izango dela informatikak beharko duen energia, munduan ekoitziko dena baino.
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]