Eneko Goiak "Bidegi auzia" dela-eta lekuko gisa deklaratuko du

  • Eneko Goia jarduneko Donostiako alkateak eta Gipuzkoako Foru Aldundiko azpiegitura diputatu ohiak lekuko gisa deklaratu beharko du Azpeitiko 2. Instrukzio epaitegian “Bidegi auzia” dela-eta. Goiarekin batera, AP-1 errepidearen eraikuntzan ardurak izan zituzten Luis Mari Apraiz eta Felix Maria Urkola ere deklaratzera deitu ditu epaitegiak.

ARGIA @argia
2019ko ekainaren 12a
Eneko Goia, 2014ko ekitaldi batean (argazkia: EAJ).

30 milioi euro baino gehiago ordaindu ziren funts publikoetatik AP-1 errepidearen eraikuntzan ustez egin gabe geratu ziren lanengatik. Kasu hori ikertzen ari den epaitegiak, herri akusazioaren eskari batzuei erantzunez, Eneko Goia, Luis Mari Apraiz eta Felix Maria Urkola deklaratzera deitu ditu. Arlaban-Eskoriatza obra zatian izandako gastuen inguruan galdekatuko ditu epaileak.

EH Bilduk bultzatutako prozesu judizial honen instrukzioa luzea izaten ari da eta oraindik gehiago luzatu daiteke, 2022. urteraino. Gipuzkoako Aldundia Bilduren esku egon zen legegintzaldian agertu ziren AP-1 errepideko obren inguruko irregulartasunak eta Martin Garitano buru zuen exekutiboak auzitara eraman zuen gaia.

Goia, Apraiz eta Urkolarekin batera deklaratzera deitu du Elena Varillas ere: azken honek egindako txosten batean agertzen ziren obraren balorazioaren eta likidazioaren arteko desberdintasunak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Bidegi  |  Gipuzkoako Foru Aldundia

Bidegi kanaletik interesatuko zaizu...
Azkenak
EGILEA
Eguneraketa berriak daude