ARGIA.eus

2021eko abenduaren 02a

Emakume batek salatu du hainbat gizonek eraso egin diotela Gasteizen

  • Hainbat gizonezkok kaletik jarraitu eta jipoitu egin dute andrea; ospitaleratu egin dute. Ertzaintza eraso matxista ikertzen ari da.

Leire Artola Arin @aleirea
2021eko urriaren 25a
Gasteizen eraso matxista bat salatzeko egindako manifestazioa. / Argazkia: Hala Bedi.

Emakumezko batek salatu du igande goizaldean Gasteizko Batan auzoan erasotu egin zutela hainbat gizonek. Etxera zihoala kaletik jarraitu eta jipoitu egin zutela salatu du. Ospitaleratu egin behar izan zuten kolpeen ondorioz. Salaketa jarri du 30 urteko andreak eta Ertzaintza eraso matxista ikertzen ari da.

Gure Batan Elkarteak gaur, astelehena, 20:00etan elkarretaratzea egingo du Batan Pasealekuan, erasoa gaitzesteko eta emakumeari elkartasuna adierazteko. Gorka Urtaran Gasteizko alkateak gertaera “oso larria” dela azpimarratu du Twitter bidez eta gogor gaitzetsi du erasoa. Hedabide batzuk erasotzaileen jatorriaren gainean kaleratutako informazioaren harira, alkateak gogorarazi du ezin dela orokortu, pertsonak ez direlako “hobeak edo okerragoak” jatorriagatik, sexuagatik edo erlijioagatik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Indarkeria matxista  |  Gasteiz

Indarkeria matxista kanaletik interesatuko zaizu...
2021-11-26 | Euskal Irratiak
"Emaztea eta elbarritua, diskriminazio bikoitza da"

Emazteen kontrako erasoen salatzeko nazioarteko eguna izan da osteguna. Emazte elbarrituen kontrako erasoak aipatu ditu Uxue Arbelbide irakasleak Goiz Berri saioan.


2021-11-26 | Leire Artola Arin
"Indarkeria matxistarik gabeko bizitzak" ozen aldarrikatu dituzte kalean

“Promesa faltsuez nazkatuta” daudela azpimarratu dute milaka emakumek, eta erakunde guztiei eskatu diete politika feministekin “konprometitzeko”. Indarkeria matxistak hil dituen andre guztiak gogora ekarri dituzte.


2021-11-25 | ARGIA
15-24 urte arteko 1.121 emakumek salatu dute indarkeria matxista EAEn, hurbilekoek eragindakoa

2020an 4.177 emakume izan ziren indarkeria matxistaren biktima Araba, Bizkaia eta Gipuzkoan. Horietatik 1.121, 15 eta 29 urte bitartekoak ziren, Eusko Jaurlaritzak emandako datuen arabera.


Indarkeria matxista bizi duen emakumea kaleratu dute etxetik

Azaroaren 25eko data zeraman Arrigorriagako emakume baten, haren alabaren eta biloben etxe kaleratze aginduak. Batu Elkarlaguntza Sareko kide da emakumea, eta sareak etxe kaleratzea gelditzeko deia egina zuen. Goizean goizetik herritar ugari elkartu da etxe-kaleratzea eragozteko... [+]


2021-11-18 | ARGIA
Euskal Herriko Mugimendu Feministak autodefentsa antolatzeko dei egin du, azaroaren 25aren atarian

Emakumeen kontrako indarkeriaren kontrako nazioarteko egunaren bezperatan, Euskal Herriko Mugimendu Feministak egun horretarako antolaturiko mobilizazioetarako lelo eta aldarrikapenak adostu ditu: "Gaurkoan indarkeria matxistarik gabeko bizitzak orain! diogu eta... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude