Emakume bat eta bi adingabe etxetik kanporatu ditu Alokabidek Gasteizen

  • Herritarrak etxe atarian bildu dira kanporatuak izan daitezela eragozteko. Ertzaintzarekin tentsioa eta bultzakadak izan dira eta emakumea esku-ohean eraman behar izan dute ospitalera antsietateak jota.

ARGIA @argia
2016ko irailaren 15a

Gasteizko Zabalgana auzoko etxebizitza batean bizi dira Anastasia eta bere bi semeak, 800 eurorekin egin behar dio aurre egunerokorari, etxegabetzeen eta hipotekak eragindakoen hainbat kolektibok azaldu dutenez. Orain Alokabidek Eusko Jaurlaritzaren sozietate publikoak kanporatu egin nahi ditu.

Ostegunean goizeko 11.00etan zegoen aurreikusita etxegabetzea eta jende ugari bertaratu da Anastasiari bere babesa ematera. Ertzaintzaren eta herritarren artean tentsioa sortu da, bultzakadak, eta Hala Bedik azaldu duenez borrak ere erabili dituzte:

Twitterrez #AnastasiaseQueda traola erabiltzen ari dira.

Hasiera batean herritarrek eta Anastasiak berak leloak esanez eta dantzan erantzun diote etxegabetzeari, baina denborak aurrera egin ahala tentsioa areagotu egin da, Errekaleok Bizirik kolektiboak bideo honetan jaso duenez:

Arabako Etxegabetzeak Stop taldeak "Urkulluren eta Alokabideren hipokrisia" salatu dute eta iragarri dute salaketa jarriko dutela kaleratzearen kontra.

Etxegabetzea amaitutakoan emakumea ospitalera eraman behar izan dute esku-ohe batean eta anbulantziaz, dirudienez, antsietateak jota. "Etxegabetzearen enpresa arduraduna Alokabide da, badakigu ez duela lotsarik", azaldu du Kaleratzeak Stop-ek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Etxegabetzeak

Etxegabetzeak kanaletik interesatuko zaizu...
Azkenak
EGILEA
Eguneraketa berriak daude