Emakume Abertzaleon VIII.Topaketa Feministetan parte hartzeko izen ematea irekirik da
COVID-19 pandemiak eragindako egoera dela eta, aurrez aurre edo streaming bidez jarraitu ahal izango dira ekitaldiko hitzaldi eta tailerrak. Azaroaren 22a arte iraunen du izena emateko tarteak.
Ireki da dagoeneko abenduaren 12an Oreretan izango diren Emakume Abertzaleon VIII.Topaketa Feministetan izena emateko tartea. Aurten, "Araka ditzagun gure bazterrak, lanbroak ezkutatzen dizkigunean" lemapean egingo dituzte topaketak. Aurrez osatutako egitaraua bere horretan geratzen den arren –bazkaria ezik–, antolatzaileek ezin dute aurrez aurreko formatua ziurtatu, eta horregatik, izena ematerakoan streaming bideko aukera ere planteatzen dute.
Horra hor eguneko egitaraua:
09:30-10:30: Izen-ematea eta harrera
10:30-12:30: Mahai-inguru nagusia: "Hizkuntza, arraza eta nazio zapalkuntzen arteko elkarguneetan arakatu"
13:00-14:30: Eztabaidan sakontzeko dinamika parte-hartzailea lan taldeetan
17:00etatik aurrera: Tailer, eztabaida eta hitzaldi ezberdinetan parte hartzeko aukera izango dugu: territorioaren defentsa, euskararen inguruko hausnarketak, gure iraganaren hausnarketak, gure arrazakeria biluzteko praktikak, internazionalismoa, gorputzak eta desirak, transnazionalak...
19:30: Bukatzeko, ekitaldi nagusia egingo dugu Herriko plazan
Ahal bada, aurrez-aurreko formatuan
Pandemiak ahalbidetzen duen neurrian, aurrez aurreko jardunaldiak lehenetsiko dituztela adierazi du Bilgune Feministak, beharrezko babes-neurriak bermatuko dituztela jakinaraziz: "Osasun neurriak, segurtasun distantzia eta aforoak zainduko ditugu". Egoerak ez badu ahalbidetzen, streaming bidezko topaketak soilik egin beharko dituztela zehaztu dute. Presentzialean zein streaming bidez, bono berdina ordainduko da.
Inskripzioa burutzean, emailera QR kode bat helduko zaio interesatuari eta hori izango du sarrera, abenduaren 12an paperean edo digitalean eraman beharko duena.
Emakume* abertzaleon VIII. Topaketa Feministetan
— Bilgune Feminista (@ehbfeminista) November 2, 2020
izena emateko epea zabalik webgunean! 👇👇👇https://t.co/lKIewgPddM pic.twitter.com/e7m0x6sHOS
Donostian egun osoko egitaraua prestatu dute 20. urteurrenean sakondu zuten “gorputza politikoa da” ildoari jarraitzeko. Gorputzen burujabetzari lotutako hitzaldi eta mahai-inguruak egongo dira, baita film laburrak ere. Jule Goikoetxea, Mijo Lizarzaburu, Mer Gomez... [+]
Martxoaren 8an Euskal Herriko Mugimendu Feministak zaintza sistema publikoaren aldeko greba bat iragarri zuen udazkenerako, zaintzak ezin baitu negozioa izaten jarraitu. Orain, kalez kale, auzoetan, herrietan, artikulatu behar da greba horretan burutuko den mugimendua... [+]
Duela hogei urte Euskal Herriko Bilgune Feministaren sorreran egondako bat –Edurne Epelde Pagola–, berriki kide egindako bat –Oihane Landazabal Bernabeu– eta bi hamarkadako ibilbidearen erdian kolektibo horretara sarturiko bat –Amaia Zufia... [+]
‘Eztandak dardara gaitzala’ lemapean egin dute Euskal Herriko Topagune Feminista, ekainaren 11n eta 12an. Bilgune Feministaren sarea indartzea helburu, hainbat hitzaldi eta mahai-inguru egin dituzte asteburuan, baina batez ere ospakizunari eman diote garrantzia: 20... [+]
Duela hogei urte Euskal Herriko Bilgune Feministaren sorreran egondako bat –Edurne Epelde Pagola–, berriki kide egindako bat –Oihane Landazabal Bernabeu– eta bi hamarkadako ibilbidearen erdian kolektibo horretara sarturiko bat –Amaia Zufia... [+]