ARGIA.eus

2022ko ekainaren 28a

Asteburuan Bilgune Feministaren urteurrena ospatu dute Oñatiko topagunean

  • ‘Eztandak dardara gaitzala’ lemapean egin dute Euskal Herriko Topagune Feminista, ekainaren 11n eta 12an. Bilgune Feministaren sarea indartzea helburu, hainbat hitzaldi eta mahai-inguru egin dituzte asteburuan, baina batez ere ospakizunari eman diote garrantzia: 20 urteko ibilbidea ospatu dute, aldarrikapenez gain festarako tartea hartuta.

Bilgune Feministaren 20. urteurrena ospatu dute Topagune Feministan. / Argazkia: @etxebe_2
ARGIA @argia
2022ko ekainaren 13a

Oñatin elkartu dira Euskal Herriko feministak ekainaren 11n eta 12an, Bilgune Feministak antolatutako topagunean. Eztandak dardara gaitzala izan dute lema, eta jardueraz bete dute asteburua. 20. urteurrena ospatu dute eta berretsi sorrerako gogo berberarekin segitzen dutela.

Hainbat tailer eta hitzaldiz gain, kontzertuak eta jai giroa ere izan dituzte Oñatin. Bizitzak erdigunean jartzea burujabetza kontua da “mahai-inguru ibiltaria”rekin ekin zioten asteburuari larunbat goizean. Hasieratik izan duten xedeaz jardun zuten: Burujabetza Feminista. Bazkalostean tailer eta hitzaldi ugari egon ziren, hausnartzeko, ikasteko, eta iritziak zein jakintzak elkarbanatzeko.

Musika, bertsoa, antzerkia, dantza, soinua… presente izan ziren tailer eta emanaldietan. Halaber, Estallidos liburua aurkeztu zuten, eta Arantza Santestebanen hitzartzearekin 918 filma ikusi zuten. Feminismotik hainbat gai landu zituzten: zisheteroaraua, gatazkaren ikuspegi feminista, zaintza, ekofeminismoa, intersekzionalitatea, eta beste. Bertaratutako guztiak elkartu ziren 21:00etan, ekitaldi nagusian. Ondoren festarako aukera izan zuten talde hauen erritmoan: Ginger (Zarauzko punk taldea), IRA (Madrilgo rap taldea), Chocolate Remix (Argentinako reggaetoi taldea) eta gaua bukatzeko DJ Miau (euskal herritarrak).

Artisau azoka eta Anari, ixteko

Igandean goizean Dinagu emakume artisauen kolektiboak azoka ipini zuen, eta pilota tailerra ere izan zen. Eguna amaitzeko eta horrekin aurtengo topagunea, bazkari herrikoiaren ostean Anarik kontzertua eman zuen. Hortaz, Topagune Feminista hausnarketarako gunea izan da, baina azpimarratu dutenez, bereziki feministak saretzeko eta ospatzeko asteburua izan da.

Irakurri Jenofa Berhokoirigoinek 20. urteurrenaren harira Bilgune Feministako generazio ezberdinekin eginiko elkarrizketa: "Bageneukan iparra, baina beste jira bat ematera ausartu gara etengabean"

Kanal hauetan artxibatua: Bilgune Feminista  |  Oñati

Bilgune Feminista kanaletik interesatuko zaizu...
Euskal Herriko Bilgune Feministak 20 urte
"Bageneukan iparra, baina beste jira bat ematera ausartu gara etengabean"

Duela hogei urte Euskal Herriko Bilgune Feministaren sorreran egondako bat –Edurne Epelde Pagola–, berriki kide egindako bat –Oihane Landazabal Bernabeu– eta bi hamarkadako ibilbidearen erdian kolektibo horretara sarturiko bat –Amaia Zufia... [+]


2022-04-25
Topaketak antolatu ditu Bilgune Feministak ekainaren 11n eta 12an Oñatin: 20 urtez paradisuak erretzen

Duela 20 urte, 2002ko apirilean, sortu zuten Euskal Herriko Bilgune Feminista. Urteurrenaren testuinguruan, Topagune Feminista egingo dute ekainaren 11n eta 12an Oñatin, Eztandak dardara gaitzala lemapean.


2022-01-26 | ARGIA
Bilgune Feministaren hogeigarren urteurrena ospatzeko Topagune Feminista egingo dute ekainean

Hogei urte beteko ditu aurten Bilgune Feministak, eta urtemugaren ospakizunari merezi duen tokia egin diote urteko eginbeharren zerrendan. 20 urtez paradisuak erretzen... Eztandak dardara gaitzala lelopean, datozen hilabeteetan hainbat herritan ospakizun ekimenak egiteko asmoa... [+]


2021-02-16 | Ixone Arana
Euskal Herriko V. Jardunaldi Feministetan bildutakoa liburuan plazaratu dute

2019ko azaroan Durangon egin ziren V. Jardunaldi Feministetan eztabaidatutako gaiak “Salda Badago” izenarekin argitaratu dituzte. Durangoko San Agustin kultur gunean aurkeztu dute liburua.


EMAKUME ABERTZALEEN VIII. TOPAKETAK
Mugimendu feminista antiarrazismotik gorpuzteko bidea jorratu dute

Euskal Herriko mugimendu feminista antiarrazista eta euskalduna helburu gisa jarririk, horretara heltzeko bideari begira jarri ziren kasik 600 emakume, Euskal Herriko VIII. Topaketa Feministen kari. “Bazter zabaletako errealitateak erdigunean” kokatzeko marko,... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude