Elkarretaratzea egin dute PSE-EEren Gasteizko egoitzan Mendebaldeko Sahararen alde
Gobernuari exijitu diote alda dezala Mendebaldeko Sahararekiko duen posizionamendua.
Joan den martxoaren 18an, espainiar Estatuko presidente Pedro Sanchezek Mohamed VI.a marokoar erregeari zuzendutako gutun bat argitaratu zuen Marokok. Gutun horretan Espainiako presidenteak bere babesa ematen zion Mendebaldeko Sahararako autonomia proiektuari; gatazka konpontzeko “oinarri serioena, sinesgarriena eta errealistena” dela adierazi zuen. Horrela, Espainiako Gobernuak bat egin zuen Marokok Sahara Mendebalderako 2007an proposatu zuen planarekin. Ezohiko jarrera da, aurreko gobernu batek inoiz adierazi ez duena, Arabako SEADen Lagunen Elkartearen arabera.
Elkarrtearen arabera, Espainia Sahararen potentzia administratzailea da eta halako jarrera aldaketa Nazio Batuen ebazpenen aurkakoa da; izan ere, Nazio Batuek ebatzi dute Saharako Herriak «erabaki dezala askatasunez bere etorkizuna Autodeterminazio erreferendumaren bitartez». Nazioarteko Zuzenbidea urratzeaz gain, gutunean erabilitako argudioekin Espainiako Estatuak bere koloniarekin dituen erantzukizunak alde batera uzten dituela uste dute Sahararen aldeko eragileek.
«Pedro Sanchezen jarrera bere alderdiaren gehiengoak babestu du; horregatik egiten diegu mobilizaziorako deia Arabako herritarrei, Alderdi Sozialistari exijitzeko berrazter dezala traizio historiko horri emandako babesa», esan dute. Elkarretaratzeak egingo dira beste euskal hiriburuetan ere, txandaka, helburu horrekin.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.