Emakumeak borrokan

Elkarretaratzea deitu dute Gasteizen, Israelek Eurovision antolatuz egin nahi duen "zuriketa" salatzeko

  • Maiatzaren 15ean egingo dute kontzentrazioa, Gasteizko Andra Mari Zuriaren plazan, 19:30ean, Israel arrosaz margotuta ere, apartheida apartheida da lemapean.

Arabako Alea @ArabakoALEA
2019ko maiatzaren 14a
Palestinaren alde iaz egindako kontzentrazioa. Argazkia: ALEA
Eurovision jaialdiko aurtengo edizioa antolatuz, Israelek nazioartean bere irudia "zuritu" nahi duela salatu dute Gasteizko E28 koordinakundeak eta BDZ taldeak. Gogoratu dutenez, maiatzaren 18an egingo da musika jaialdia, hain zuzen Israelgo Estatua aldarrikatu zutenetik 71. urteurrenaren ondorengo egunetan, eta palestinarrek ospatzen duten Nakba edo Hondamendiaren Egunaren inguruan. "LGTBQ mugimenduaren aldarrikapenekiko ustezko begirunea erakutsiz, herrialde demokratiko eta aurrerakoi moduan agertu nahi du, munduaren begien aurrean, Israelek, eta bere sarraskiak eta gerra krimenak zuritu", nabarmendu dute. 
Gauzak horrela, maiatzaren 15ean mobilizaziora deitu dute bi taldeek, Israel arrosaz margotuta ere, apartheida apartheida da lemapean. 19:30ean izango da kontzentrazioa, Andra Maria Zuriaren plazan.

Israelen erasoa

E28 koordinakundeak eta BDZ taldeak gogoratu dutenez, palestinarrek Hondamendiaren Eguna ospatzen dute maiatzaren 15ean, orduan hasi baitzen "bertako populazio palestinarraren garbiketa etnikoa". Aurtengoan, gainera, testuinguru lazgarrian joango da eguna, maiatzaren lehen asteburuan, Israelgo armadak Gaza erasotu baitzuen, eta 29 palestinar hil zituen erasoaldi horretan. Halaber, egindako bonbardaketek argazki lazgarria utzi zuten Gazan: dozenaka etxebizitza, hainbat bulego eta meskita bat erabat suntsituta geratu ziren, eta laurehun bat eraikinetan kalte handiak eragin zituzten bonbek. "Eta guzti hori zuritzeko inoizko propaganda ekitaldirik handiena antolatu dute Nakbaren ondorengo egunetarako: Eurovision jaialdia", salatu dute taldeek.
 
Albiste hau Arabako Aleak argitaratu du, eta CC-by-SA lizentziari esker ekarri dugu ARGIAra
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Israeli boikota  |  Internazionalismoa

Israeli boikota kanaletik interesatuko zaizu...
Israel Eurovision festibala ospatzear, palestinarren eskubideen aldeko boikot deien erdian

Mundu osoko komunitate palestinarrak, BDS mugimenduak eta izen handiko hainbat artistak aurtengo Eurovision festibalaren edizioari boikot egitera deitu dute. Tel Aviv hiriburuan izango da eta dena prest dago. Finala larunbatean izango da. Ez da saltsarik falta.


Gerra kutsuko asteburua Gazan
MULTIMEDIA - erreportajea

Hamasen miliziek ustez zauritutako soldadu israledar batek lehertu zuen tentsioa Gazan eta zerua suziri eta misilez bete da asteburuan. Eraso hauen emaitza izan dira hildako 23 palestinar eta lau israeldarrak. Atzotik bi aldeak behin behineko su etenean badaude ere, Netanyahu Israelgo presidenteak operazioa oraindik ez dela amaitu adierazi du.


2019-04-11 | ARGIA
Bilboko Alde Zaharreko hotel berriaren irekieraren aurrean protesta egin dute

Kate israeldar baten jabetzakoa den NYX hotel ireki berriaren aurrean elkarretaratzea egin dute asteazkenean. Hiriaren turistifikazioa eta gentrifikazioaz gain, EAJren instituzioek Israelekiko duten konplizitatea ere salatu dute.


2019-02-01 | Axier Lopez
Israelgo Maccabiren etorrera gaitzetsi dute Gasteizko Buesa Arenan

Gasteizko Baskonia eta Israelgo Tel Aviveko Maccabi saskibaloi taldeen arteko partida jokatu dute ostegunean. Maccabi "Israelgo aparheidak kirolean duen enbaxadorerik onena dela" salatzeko, hainbat solidariok Palestinako banderak zabaldu, palestinarren aldeko ohiuak egin eta "Palestina Askatu" zioen mosaiko handia osatu dute.


2019-01-31 | Hala Bedi
Israeli eta Tel Aviveko Maccabiri boikot egiteko eskubidea aldarrikatu dute

Tel Aviveko Maccabi saskibaloi taldea Baskoniaren aurka Gasteizen lehiatu baino egun bat lehenago, dozenaka lagun bildu dira Arabako hiriburuan Israelgo kirol ordezkari handienarentzako boikota eskatzeko. BDZ taldearen, Gasteizko komunitate islamiar-arabiarraren, Indar Baskoniaren eta Iraultza 1921-en elkarlanari esker eraman dute aurrera mobilizazioa.


Hurrengo Eurovision jaialdia Israelen izanez gero boikot egiteko eskatu dute 140 musikarik

“Palestinarrek askatasuna eta justizia izan arte, ez litzateke Israelera nazioarteko negoziorik eraman behar” diote manifestu batean 140 artistek. Aurtengo edizioa israeldar batek irabazi zuenez, oso posible da datorren urtekoa bertan izatea.


Israelek gutxienez sei palestinar hil ditu Gazan bi gauez jarraian egin dituen bonbardaketetan

Sei hildako eta 20 zauritu zenbatu dituzte Gazan, Isrlaelek 80 misil inguru jaurti ondoren. Azpiegitura eta eraikuntza handiak izan dira helburu, tartean unibertsitate bat eta Al-Aqsa telebista-kate palestinarra. Bi gauez jarraian bonbardatu dute, Ma'an informazio agentziak dioenez. Hala ere, azken orduetan goruntz doa hildakoen kopurua.


Adidasek Israelgo Futbol Elkartea babesteari utzi dio

Martxoan Palestinako 130 futbol taldek egin zioten eskakizuna Adidasi, Israelgo sei taldek lurralde okupatuetan dutelako euren jatorria eta ilegaltzat hartzen den jokaera da nazioarteko zuzenbidearen arabera.


2018-07-29 | Axier Lopez
Israelek Apartheida gainditu du

Sadikoa, mendekuzalea, hiltzailea… Nahi beste adjektibo atxiki dakioke palestinarrak azpiratzeko Israelek urtez urte perfekzionatu duen estatu-politikari. Harrigarria ere aipa genezake. Areago  joatea ezinezkoa dirudienean, Israelek katea gehiago estutzeko duen gaitasunagatik. Sentsazio hori barreiatu da pasa den astean.


Bertan behera geratu da Argentina eta Israelen arteko futbol partida

Larunbatean zen jokatzeko partida baina AFAk asteartean argitaratutako idatzian segurtasun arazoengatik ez zirela joango iragarri zuen.


Eguneraketa berriak daude