Emakumeak borrokan

'Elkarrekilan Zuberoan' Euskal Herri osoko udalekuak antolatu dituzte

  • 
    

    Ikastolen Elkarteak eta Uda Leku elkarteak elkarlanean aurrenekoz Euskal Herriko zazpi lurraldeetako lehen udalekuak antolatu dituzte. Uztailaren 24-30 bitartean egingo dute egonaldia Mauleko 'Agerria etxea' aterpetxean. Ipar eta Hego Euskal Herriko begiraleak eta 9-15 urte arteko 100 bat gazte elkartuko dira,“euskal lurraldeetako ikasleen arteko zubi lana egiteko” helburuarekin.

     

Itziar Ugarte Irizar @itzugarte
2014ko uztailaren 23a
Anaiz Olzomendi Uda Leku elkarteko kidea, Koldo Tellitu Ikastolen Elkarteko lehendakaria, Mertxe Aizpurua Udalbiltzako lehendakaria, Michel Etxebest Mauleko auzapeza eta Nagore Amondarain Ikastolen Elkarteko Aisialdi Taldeko arduraduna aurkezpenean.


Aurtengo lehen edizioa xume abiatu den arren, etorkizunean indartzen joan nahi den egitasmoa da, Udalbiltzaren webgunean irakur daitekeenez. Koldo Tellitu Ikastolen Elkarteko lehendakariak azaldu du Ipar Euskal Herriak azken urteetan bilakaera nabarmena izan duela, baina “Bidasoako zubia ez dela lehen adina gurutzatzen”. Ikastoletan ere nabaritzen dela azaldu du. Seaskak erasorik bortitzenak jasan dituen unean inoiz baino jende gutxiago joan da Herri Urratsera Hego Euskal Herritik, Tellituren hitzetan.

Kezka horrek abiarazi du 'Elkarrekilan Zuberoan' proiektua. Euskal Herri osoko ikasleen arteko zubi lana egiteko helburuarekin, gazteek Zuberoa ezagutu eta besteak beste, “euskalkiak nahastu eta interesak partekatzeko” aukera izango dutela azaldu du Tellituk.

Aurten arte, Seaskak, Uda Leku elkartearekin bidez, Zuberoako, Nafarroa Behereko eta Lapurdiko umeentzat antolatu ditu udako aisialdi programak. Ikastolen Elkarteak, aldiz, Hego Euskal Herriko lau lurraldeetako umeentzat eskaini izan ditu.

Urruntzen gaituzten mugak belaunaldi berrien bidez gainditzeko”

Udalbiltzako lehendakari Mertxe Aizpuruak Euskal Herriko lurraldeen ezagutza eta lankidetzarako “mugarri garrantzitsutzat” jo ditu udalekuak, “oraindik ere elkarrengandik urruntzen gaituzten muga fisiko eta psikologikoak belaunaldi berrien bidez gainditzen” lagunduko dutelakoan.

Egonaldia Zuberoan izateak balioa areagotzen duela esan du, “eskualde honen sustapenerako lagungarria baita”. Michel Etxebeste auzapeza gustura azaldu da udalekuak Maulen izateagatik, eta nabarmendu du lekua eta bertako azpiegiturak oso aproposak direla halako egonaldietarako. “Elkar ulertzen eta euskara zabaltzen” laguntzeko baliagarria izatea espero duela adierazi du.

Euskal Udalekuak

Abaigar, Bernedo eta Goñiko etxeetan egiten diren Euskal Udalekuetan ere Euskal Herri osoko gazteak batzen dira udaro. Aisialdi hezitzailea, herrikoia eta euskalduna lantzen dutela azaldu zuten Topatu.infok iazko apirilean elkarrizketatutako hiru gazteek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ikastolak  |  Udalbiltza  |  Zuberoa  |  Seaska

Ikastolak kanaletik interesatuko zaizu...
Azkenak
EGILEA
Eguneraketa berriak daude