Elizak matrikulatu gabeko 3.000 ondasunen jatorria ikertu nahi du Nafarroako Gobernuak

  • Ondasunak identifikatu ostean, erreklamazio eta berreskuratze prozesua hasiko du aurten, eta udalerriei laguntza eta babesa eskaintzeko bulegoa sortuko dute.


2024ko urtarrilaren 12an - 10:53

Jose Maria Aierdi Landa Garapeneko eta Ingurumeneko kontseilariak eta Amparo López Herrizaingo, Funtzio Publiko eta Justiziako kontseilariak konpromisoa hartu dute 2024an Nafarroako Eliza Katolikoak immatrikulatutako herri-ondasunak identifikatzeko lanei berriro ekiteko. Iazko legegintzaldian erregistratu gabeko ondasunen inbentarioa egin zuten, eta orotara, 2.952 ondasunen zerrenda aurkeztu zuten: ermita, etxe, eraikin, baratze, orube, lokal eta beste ondasun batzuen artean.

Aierdik adierazi du prozesua “aurrekontua onartu eta berehala” hasiko dela, baina 2024ko aurrekontuen aurreproiektuan, EH Bilduk berariazko zuzenketa bat proposatu du: ikerketan aurrera egiteko kanpoko laguntza tekniko bat formalizatu ahal izatea. Lopezek, berriz, azpimarratu du iaz “lizitazio” bat hasi zutela ikerketa hori egiteko, eta herri-ondasunak defendatzeko eta berreskuratzeko administrazio eskumena toki-erakundeei zegokiela berretsi du.

EH Bilduko Arantxa Izurdiagak adierazi du prozesu judizial konplexu eta luzeetan amai dezaketen kasuak direla, eta udalek ez dutela “aurrera egiteko gaitasun nahikorik”. Azpimarratu du beharrezkoa dela proiektua Nafarroako Gobernuak gidatzea, eta bulego bat sortzea eskatu du, udalei zerbitzu tekniko, juridiko eta historikoa emateko, eta beraz, berreskuratze-prozesu horietan laguntzeko. Izurdiagaren ustez, hori Justizia Sailaren eskumena izan behar da, eta ez Landa Garapenarena.


Kanal honetatik interesatuko zaizu: Eliza Katolikoa
Lehen transfusio odoltsua

Erroma, 1492ko uztailaren 25a. Inozentzio VIII.a aita santua hil zen 59 edo 60 urte zituela, odol transfusio saiakera baten ondoren.


2024-05-16 | Aiaraldea
Moja klaratarrek Eliza utzi dute, Urduñako komentua erostea eragotzi dietelako, eta eskuin muturreko sekta batera batu dira

Klaratarrek Urduñako komentua erosteko kontratua sinatu zuten, baina Elizak atzera egin du salerosketan eta mojek testu luzea argitaratu dute, zeinean Pablo de Rojas Sanchez-Francoren diziplinara batu diren. Mario Izeta apezpikuak eskumikatu zuen erlijioso hori 2019an... [+]


Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


2024-03-08 | ARGIA
Espainiako Eliza Katolikoak 1.000tik gora pederastia kasu aitortu ditu

Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]


Eguneraketa berriak daude