Elbira Zipitriari buruzko dokumentala bultzatzeko 'crowdfunding'-a abian

  • Lehen euskal eskola klandestinoa sortu zuen emakumeari buruzko dokumentala grabatzen ari da Maider Oleaga zinema zuzendaria, Elbira Zipitria “benetan nor izan zen” erakusteko helburuarekin. Proiektuari ekarpenak egiteko aukera zabaldu dute, ekainaren 15era arte.


2017ko maiatzaren 31n - 10:55
Elbira Zipitria.

Elbira Zipitria ikastolako irakaslea izan zen 1936ko Gerra Zibilaren aurretik, eta gerratea piztu zenean Iparraldera joan zen. 1942an Donostiara itzuli eta lehenengo euskal eskola klandestinoa sortu zuen, Fermin Kalbeton kalean, eta 1969ra arte mantendu zuen. Haren irakaskuntza metodoak oso aurreratuak ziren.

Euskarari eta hezkuntzari egindako ekarpenez gain, figura politiko garrantzitsua izan zen. Emakume Abertzale Batzako hizlari eta Gipuzkoako idazkaria izan zen, eta politikagintzan sartu ziren lehen emakumeetako bat izan zen. 1982an hil zen Donostian.

Dokumentala, Elvira Zipitriaren etxe-eskolan

Maider Oleaga zuzendaria Fermin Kalbeton kaleko 26. zenbakian bizi da 2011tik, Zipitriak eskola klandestinoa sortu zuen etxean. Nor izan zen erakusteko IRA 26-2 dokumentala egingo du eta etxean grabatuko du, bideo-egunkari formatuan.  

Maiatzaren 27an hasi zen grabaketa eta ekainaren bukaeran amaituko da, eta muntaia bizpahiru hilabeteko tartean egingo dute. Postprodukzio gastuei aurre egiteko, Verkami eta Paypal-en komisioak ordaintzeko eta beste zenbait gastutarako egin dute ‘corwdfunding’-a. Ekainaren 15ean amaitzen da eta 6.000 eurora iristeko helburua dute.


Kanal honetatik interesatuko zaizu: Dokumentalak
Kronika
"Bidasoan barrena, beti dira bide berak"

Bidasoa 2018-2023 dokumentalaren proiekzioa

Non: Martuteneko espetxean, Donostian

Noiz: Abenduaren 22an, ostirala, 16:00etan

Sarean ikusgai: Primeran plataforman

------------------------------------------------

Gabonak dira. Ostiral bazkalostea. Martuteneko... [+]


2024-01-12 | Euskal Irratiak
Italia eta Afrika ardatz Miarritzeko FIPADOC festibalaren seigarren edizioan

FIPADOC Nazioarteko dokumental jaialdia berriz heldu da Miarritzera. Urtarrilaren 19tik 27ra ospatuko dute, eta seigarren edizio honetan «Italia eta Afrika» izanen dira protagonistak.


Netflixek iragarri du Cabezudoren auziari buruzko dokumentala emango duela

En el nombre de ellas dokumentalean agertzen diren biktimek eta ekoiztetxeak eskerrak eman dizkie plataformari "ausardiagatik" eta beren historia kontatzeagatik. Disney+ 2022ko azaroan zen dokumentala estreinatzekoa, baina atzera egin zuen. 


2022-11-11 | Leire Artola Arin
Olga Rodríguez, Ekialde Ertainean aditua
"Matxismoa Egiptoko estatuaren muina da, eta armadak beti aplikatu du"

Egiptoko matxinadetan emakumeei egin zizkieten sexu erasoak ditu abiapuntu As I Want (Neuk nahi bezala) 2021eko dokumentalak. Samaher Alqadi zuzendariak lehen pertsonatik eta gordin erakusten ditu 2011 eta 2013 artean bizitakoak, besteak beste, Kairon piztu ziren emakumeen... [+]


2022-09-11 | Kepa Matxain
Dolutik sortutako bidaia tantrikoa

Hilabete gutxiko tartean hil zitzaien ama Irati Gorostidiri (Eguesibar, 1988) eta Mirari Echavarriri (Iruñea, 1988), biak 1978an Lizason egonkortutako Arco Iris komunitate tantrikotik igarotakoak. Lehendik ere esperientzia hari buruzko interesa bazuten, dolu prozesuan... [+]


Eguneraketa berriak daude