Ekonomia sozial eta eraldatzailearen mapa osatzeko crowdfundinga martxan
Eredu ekonomiko alternatiboa sustatzen duten Euskal Herriko enpresa, entitate eta ekimenak bilduko ditu Batura proiektuak mapa horretan. Abian jartzeko gutxienez 7.000 euro behar dituzte. Helburu horretara heltzeko crowdfunding kanpaina hasi dute.
Egitasmoen ikusgarritasuna eta interkooperazioa bultzatzeaz gain, kontsumo arduratsua sustatzea du helburu. Baturak tresna izan nahi du ekonomia sozial eta eraldatzaileko erakunde eta ekimenak aurkitu, eta hauek zer eskaintzen duten jakinarazteko. Maparen funtzionamendua sinplea izango da: Alde batetik, mapan bertan eremu geografikoaren arabera zuzenean aukeratu ahal izango da entitatea, eta bestetik, bilatzaile baten bitartez nahi diren irizpideak filtratu ahalko dira. Esaterako, komunikazioa, euskara, kooperatiba...
Ekimenaren sustatzaileek azaldu dute helburua ez dela lehia sortzea, ekonomia eredu gero eta demokratikoago baterako norabidea markatzea baino, guztia prozesu gisa ulertuta. Proiektuaren ideia Kataluniako XESek ( Xarxa d'Economia Solidària) bultzatutako paMAPAm mapa kolaboratiboaren eredutik dator.
Proiektua martxan jarri aurretik, ekimenaren arduradunek gutxienez 7.000 euro behar dituztela aurreikusi dute. Diru ekarpena egiteko webgunean zehaztu dute 7.000 euro horiek nola banatuko dituzten. Sari gisa, proiektua aurrera ateratzeko diruz laguntzen duen bakoitzak zozketa bono bat jasoko du. Saria osatzeko Katakrak liburu dendaren, Boga Garagardoaren eta Arrigorri Ostatuaren laguntza izan dute; irabazleak hiru hauen produktu eta zerbitzuez gozatzeko aukera izango du.
Nola parte hartu mapan
Ekonomia sozial eta eraldatzailea jorratzen duen edozein ekimen edo erakunde gehitu daiteke mapara. Batura ekimenak ez du mugatuko parte hartzea, baina irizpide batzuk ezarri ditu mapan sartu ahal izateko: tokiko ekonomiaren sustapena, gizarteratzea, merkatu sozialaren sustapena, sarea, banku etikoen erabilera, kontsumo energetiko mota, hondakinen kudeaketa, soldata eskala, garapen pertsonala, parekidetasun politikak, demokrazia eta jabetza motak.
Erakundeak eraldaketabatura@gmail.com helbidearen bitartez jarri behar dira harremanetan, eta galdetegi bat osatu. Gaindituz gero, mapan sartuko dituzte. Kontsumitzaileak ere harremanetan jarri daitezke. Baturak eskatu die mapa erabili eta zabaltzeko. Baita mapan parte hartu dezakeen edozein ekimenen berri emateko ere.
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Haziekin hamaika metafora eta hitz joko egin dira. "Zerbaiten hazia izan", "proiektu baten hazia erein", "etorkizunerako haziak"... esamoldeak ezagun zaizkigu. Zerbait berezia dute haziek.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.