Bere buruaz beste egin zuen Ekai nerabeari buruzko Mi pequeño samurai dokumentalaren estreinaldiak irekiko du aurtengo Zinegoak jaialdia: transexualitatearen gaineko tabuak apurtu eta kontzientziatu egin nahi dute filmeko zuzendariak eta Ekairen gurasoek.
Inoiz iritsi ez zen hormonen tratamenduaren zain egoteak bere heriotzean eragina izan zuela diote gurasoek eta tratamendu hauek lehenago bideratzeko eskaera ere izan nahi du film laburrak. “Jendeak transformismoa, trabestismoa, transgeneroa, transexualitatea nahasten ditu. Jendea beti dago genitaletan pentsatzen eta gehiago pentsatu beharko genuke pertsonen sentimenduetan”, esana du Arantza Ibarra filmaren zuzendariak.
“Bizitzeko hamaika modu”
Sexu orientazioaz harago, lehen planoan egon ohi ez diren sexu aniztasunaren elementuei ikusgarritasuna eman nahi dio aurtengo edizioak, genero identitatea esaterako. Hala, “izateko, sentitzeko, maitatzeko eta bizitzeko hamaika modu” da Bilboko Gaylesbitrans 17. Nazioarteko Zinema eta Arte Eszenikoen leloa.
Otsailaren 24tik martxoaren 8ra, 22 film luze lehiatuko dira Sail Ofizialean, hiru kategoriatan (fikzio luzeak, dokumental luzeak eta proposamen narratibo ausartak). Horrez gain, 45 film labur eskainiko dituzte eta Euskal Herriko 13 lan izango dira.
Otsailaren 24ko inaugurazioan, Mi pequeño samurai estreinatzeaz gain, Pepa San Martín zuzendari txiletarrak Ohorezko Saria jasoko du Arriaga antzokian. Txiletarraren zinema “konprometituta eta enpoderatua” saritu nahi du jaialdiak: “Pepa San Martínen filmografiak eskema zaharrak irauli nahi ditu, elkarrizketak ireki”.
Jaialdia Bilbon amaitutakoan, Euskal Herriko 60 herritara zabalduko da Zinegoakeko eskaintza.
Rita Baghdadiren Sirens dokumentalak irabazi du 2023ko Zinegoak Sari Nagusia, eta Dania Bdeir-en Warsha-k Publikoaren Saria eta Senior Epaimahaiaren Saria. Saridun gehienak emakumeak izan dira. Jarraian saritutako lanen zerrenda.
Aktore, gidoilari eta zuzendariak gai politiko eta sozialak lantzen dituen fikziozko filmak egiten ditu, Mexikoko bere komunitatean oinarrituta.
Bilboko LGBTIQ+ zinema eta arte eszenikoen jaialdia ekainaren 23tik uztailaren 3ra egingo dute. Hamasei film luze eta 25 labur dituzte programazioan, beste hainbat jarduerarekin batera.
Albertina Carri zinemagile eta ekintzaile argentinarrak otsailaren 28an jasoko du Ohorezko Saria, Zinegoak LGTBI+ zinema eta arte eszenikoen jaialdiaren inaugurazio ekitaldian, Bilboko Arriaga antzokian. Aurtengo edizioan Carriren obrari buruzko ziklo berezia eskainiko da.
“Marioker”, “Lumatza”, “Kuir”, “Soropila” edo “Kapaza” hitzek osatu dituzte Zinegoak LGTBI+ jaialdiaren aurtengo kartelak. Inposatutako etiketarik gabe, "gure burua nahi dugun moduan berrizendatzeko, erakusteko eta... [+]