Eider Rodriguezen ‘Bihotz handiegia’-k irabazi du Euskadi Saria

  • Eider Rodriguezen Bihotz handiegia ipuin-liburuak irabazi du Eusko Jaurlaritzak ematen duen Euskadi Saria. Asier Serrano buru izan duen epaimahaiak nabarmendu du liburuak nola aztertzen duen "pertsonaia arrunt eta konplexuen izaera eta horien barne-mundua".


2018ko urriaren 01an - 11:50
Eider Rodriguezek irabazi du Euskadi Saria (argazkia: Batiste Ezeiza).

Bihotz handiegia-k lortzen duen bigarren saria da astelehen honetan ezagutzera eman den hau, lehenago, Liburuaren Egunean, Gipuzkoako Liburu-denden Elkarteak ematen duen Zilarrezko Euskadi Saria ere eskuratu zuen Rodriguezek.

Sei ipuinez osatutako liburua 2017. urtearen amaieran argitaratu zen Susa editorialaren eskutik (Gorka Arresek argitaletxe horretan editatutako azken liburuetako bat izan zen) eta irakurleen arreta deitu zuen, Rodriguezen kontakizunetan erakusten diren egoerak ezagunak bezain deserosoak gerta daitezkeelako askorentzat.

"Ez zait iruditzen liburuko pertsonaiak ez-ohikoak direnik: denak bezain arraro eta sinple dira. Baina, agian, momentu txar edo ez-ohiko batean harrapatu ditut", esplikatu zion Lander Arretxeari, liburua dela-eta ARGIAri eskainitako elkarrizketan.

Donostian, Hendaian, Oreretan... benetako lekuetan gertatzen dira Bihotz handiegia-ko istorioak eta hori ere idazlearen erabaki kontzientea izan da: "Iruditzen zait egon dela euskal literaturan ihes egiteko joera bat: gureak bezalako izen-abizenak dituzten pertsonengandik, gu bezalako jendea bizi den herrietatik… Vancouverreko Alice, auskalo nongo Jack… Gure izenekin, gure herrietan, gureak bezalako problemak dituzten pertsonen berri eman nahi izan dut nik. Errealismo horrek asko erakartzen nau: gure miseriak beste zerbaitetan bilakatzeko aukera horrek plazera ematen dit".

Santos Zunzunegi eta Yolanda Mosquera ere saritu dituzte

Euskarazko literaturari ematen zaion sariaz gain, Euskadi Sariek badituzte beste kategoria batzuk ere. Astelehen horietan horietako biren irabazleak ezagutu dira: gaztelaniazko saiakeraren atalean nabarmendu dute, Bajo el signo de la melancolía liburuarengatik. Zinemari buruzko testuengatik da ezaguna Zunzunegui eta hain gustukoa duen gaiari buruzkoa da saritutako liburua ere. Malenkoniaren kontzeptua munduko hainbat herrialdetako adierazpen zinematografikoetan nola agertzen den aztertu du idazle bilbotarrak.

Bestalde, Yolanda Roquek irabazi du ilustrazio alorreko Euskadi Saria, Guy de Maupassant idazle frantziarraren Roque txikia liburuaren gaztelaniazko edizio bati laguntzeko egin dituen irudiengatik.


Kanal honetatik interesatuko zaizu: Euskadi Sariak
Euskadi Literatura Sariak banatu dituzte Getxoko Muxikebarrin

Ondorengoek irabazi dute euskarazko kategorian: Arantxa Urretabizkaia, Patxi Zubizarreta, Miren Billelabeitia, Maialen Berasategi, Joxe Mari Berasategi eta Joseba Larratxek.


Maialen Berasategi eta Joxe Mari Berasategik irabazi dute Itzulpengintzako Euskadi saria

Aita-alabek Abdulrazak Gurnah-en Paradisua liburua itzuli dute euskarara. Tanzaniarrak Literaturako Nobel saria irabazi zuen 2021ean. Miren Billelabeitiak Saiakerako Euskadi saria jaso du Norberak maite duena. Hitza gogoan, irakurketa biziz lanagatik.


2023ko Euskadi sariak irabazi dituzte Arantxa Urretabizkaia, Patxi Zubizarreta eta Joseba Larratxek

Azken Etxea, Zerria eta Ni ez naiz Mikel Laboa lanak saritu ditu epaimahaiak Euskarazko Literatura, Haur eta Gazte Literatura eta Ilustrazioa kategorietan hurrenez hurren. Oraindik beste lau irabazle daude jakinarazteke.


2022-10-13 | ARGIA
Uxue Apaolaza, Leire Bilbao eta Maite Mutuberriarentzat Euskadi Literatura Sariak

Euskarazko Literatura saria jaso du Apaolazaren 'Bihurguneko nasa' ipuin bildumak, Euskarazko Haur eta Gazte Literatura saria Bilbaoren 'Barruko hotsak' albumak, eta Literatur Lanaren ilustrazioaren saria Mutuberriaren 'Irrimola' lanak.


2021-10-20 | ARGIA
Banatu dituzte Euskadi Sariak kategoria guztietan

Urriaren 14an jakianrazi zituzten sarietuetako zenbaiten izenak, eta asteazkenean eman dituzte ezagutzera gainontzekoak. Pello Lizarralde, Anjel Lertxundi, Joxan Elosegi, Alex Gurrutxaga, Mikel Reparaz, Txani Rodriguez eta Javier de Isusi dira 2021eko edizioko sarituak.


Eguneraketa berriak daude