ARGIA.eus

Itzulpen automatikoa / Machine translation

Ehunka herritar mobilizatu dira Galder Barbado eta Aitor Zelaiari babesa emateko

  • Asteazken arratsaldean mobilizazioak egin dituzte Gasteizen, Amurrion eta Agurainen, ANkerkeria Stop ekimenaren deiari erantzunez. Espainiako Epaitegi Gorenak asteazkenean berrikusi ditu bi gazte Arabarren aurkako epaia, eta edozein unetan jakinarazi dezake ebazpena. Espetxeratze arriskuaren aurrean “adi egotera eta erantzutera” deitu du elkartasun ekimenak.

Amurrioko mobilizazioa. Argazkia: ANkerkeria Stop.

2023ko apirilaren 27an - 17:13

Mobilizazio jendetsuak egin dituzte Gasteizen, Amurrion eta Agurainen, Barbado eta Zelaiaren aurkako “ankerkeria” salatzeko. Bi gazteek edozein unetan jaso dezakete espetxeratze agindua. Horren aurrean, bi gazteen inguruan elkartasuna antolatzeko jaio zen ANkerkeria Stop ekimenetik, “elkartasun sareak” ehuntzen jarraitzeko asmoa berretsi dute mobilizazioetan. Gasteizen hitza hartu dute ekimenaren bi ordezkariek. Salatu dute Ertzaintzak egindako txostenak direla bi gazteak auzipetu eta kondenatzeko oinarria, Madrileko salbuespen epaitegietan epaitu dituztela, eta Auzitegi Nazionalaren sententzia jakin zenetik bizitza normala egin ezinik daudela Barbado eta Zelaia. “2023 urtean gaude”, azpimarratu dute, bi gazteen aurkako jazarpena tokiz eta denboraz kanpo dagoela nabarmentzeko.

Gorenak edozein unetan jakinarazi dezake ebazpena, eta aukeretako bat da bi gazteak espetxera kondenatzea. Arrisku horren aurrean “adi egotera eta erantzutera” deitu du Ankerkeria Stopek.

Erantzuna antolatzeko helburuarekin, Gasteizen asanblada irekia antolatu dute maiatzaren birako, Judimendi auzoko SUmendi Espazioan

Gorenaren ebazpena

2021eko otsailean Auzitegi Nazionalak lau urteko espetxe zigorra eta hamar urteko inhabilitazioa ezarri zien Barbado eta Zelaiari, "helburu terroristarekin lehergailuak egiteko elementuak gordetzea" leporatuta. Defentsek zein fiskaltzak helegiteak aurkeztu zituzten: Fiskaltzak zortzi urteko espetxe zigor eskaeran berretsiz; gazteen defentsek absoluzioa eskatuz.

Asteazkenean helegiteak aurkeztu ditu Epaitegi Gorenak, eta erabaki dezake Auzitegi Nazionalak ezarritako zigorra igotzea, mantentzea, zein bi gazteak absolbitzea.

 

 

 

 

Gasteizko mobilizazioa: Argazkia: Hala Bedi

 

 

 

 

 

 

Amurrioko mobilizazioa. Argazkia: ANkerkeria Stop.

 

 

 

 


Kanal honetatik interesatuko zaizu: Errepresioa
Tefia, homosexualak zigortzeko eremua

Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]


Arnaldo Otegi
“Gu atxilotu gintuzten ETA Euskal Herriko ekuazio politikotik ez ateratzeko”

Bateraguneko auziko auzipetuen izenean hitz egin du Arnaldo Otegi EH Bilduko koordinatzaileak eta poza agertu du Espainiako Auzitegi Konstituzionalak auzia ez errepikatzea erabaki duelako. Estatuko herrien askatasun nahia modu demokratikoan bideratzeko deia egin dio Espainiako... [+]


2023-11-15 | Gedar
790 milioi euroko aurrekontua izango du Jaurlaritzako Segurtasun Sailak 2024an, aurrekoan baino %5,9 gehiago

 Azken hiru urteetan %13,7 igo da Eusko Jaurlaritzaren segurtasun-aurrekontua. Datorren urterako igoera 44 milioi eurokoa izango da.


2023-11-13
Absoluzio eskaerarekin amaitu zen ostiralean Tubacexeko grebalari baten kontrako epaiketa

Ostiralean izan da urriaren 11n atzeratu zen epaiketa eta langile akusatuak bere errugabetasuna aldarrikatu du epailearen aurrean. Hemen ikus daitekeen bideoa erabili dute hori erakusteko.


2023-11-07 | ARGIA
Aske utzi dituzte astearte goizean Lapurdin atxilotu dituzten herritarrak

Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]


Eguneraketa berriak daude