Ehun milioi animalia inguru hiltzen dituzte urtero Euskal Herriko hiltegietan

Amaia Lekunberri @amaialekunberri
2018ko urriaren 12a
(Argazkia: NOR / Tras los Muros)

Euskal Herriko hiltegien argazki panoramikoa egitea ahalbidetzen dute NOReko kideek emandako datuek: urtean munduan hiltzen dituzten 70 mila milioi animalietatik, 100 milioi inguru hiltzen dituzte Euskal Herrian. Lurralde bakoitzeko datuak hauek:

  • Nafarroan 64,5 milioi animalia hil zituzten 2017an. Horietatik 61 milioi baino gehiago hegaztiak ziren, eta bi milioitik gora untxiak.
  • Lapurdi, Nafarroa Beherea eta Zuberoari dagokionez, azken datuak Mauleko hiltegiak emandakoak dira. Hiltegi horretan bakarrik, 35.000 ardi eta 40.000 behi hil zituzten 2016an.
  • EAEko daturik ez du ematen Eusko Jaurlaritzak 2012tik, baina azken zenbakien arabera 1.112 milioi ardi, behi, ahuntz, txerri eta zaldi hil zituzten Bizkaia, Gipuzkoa eta Araban. Hegazti eta untxiei dagokienez, 11 milioi eta milioi erdi izaki hil zituzten, hurrenez hurren.
Ezkutuko ikerketa

30 hiltegi inguru zenbatu dituzte Euskal Herrian, eta inguruko herrialdeetan beste horrenbeste daudela jakinarazi. NOReko kideek horietako hamarretan infiltratzea lortu dute, bertako jarduna dokumentatu asmoz. “Industriak debekatuta dauka edozein kazetarik bertako irudiak kaleratzea, eta hermetismo handia dago”, adierazi du taldeko bozeramaile Maialen Sagüesek. Hala bada, ezkutuan eraman behar izan dute aurrera ikerketa.

Hiltegietako irudiak publiko egiteak kalteak eragiten dizkietela onartu izan dute sarri negozioaren arduradunek. “Niri bost axola jendeak Turkiako hiltegi bat ikustea, baina ez dut nahi nirea ikusterik”, adierazi du bideoan agertzen den hiltegietako baten arduradunak. Talde antiespezistak publiko egin duen ikerketak, baina, Euskal Herriko hiltegietako eta hildako animaliak gurean saltzen dituzten hiltegietako irudiak aireratu ditu.

Irudi gogorrak dira nagusi bideoak irauten dituen hamabi minutuetan, hiltegien baitan animaliek jasaten duten indarkeriaren testigantza jasotzen baita bertan. Hiltzera kondenatuak direla antzematean animalia orok ihes egiteko saiakera nola egiten duen ikusi daiteke, baita langileek animaliak kontrolpean izateko erabili ohi duten indarkeriazko tratua: lanabes askotarikoez, ostikoez, kolpeez eta bultzadez baliatzen dira animaliak menderatu eta alde batetik bestera nahieran mugitzeko. Hilketa prozesua ere gordinik azaleratzen da.

Gizakion kontsumorako izan ala ez, animaliak hiltegietan hil behar dira legeak dioenez. Haztegi industrialetatik heldu ohi da animalien gehiengoa hiltegietara, “baina haztegi ekologikoetan, baserri txikietan eta larreetan esplotatzen dituzten animaliak ere” bertara bidaltzen dituztela azpimarratu dute ekintzaileek. Esan beharrik ez da, animalien industria ere ez dago logika kapitalistatik salbu: azaltzen dutenez “behar beste hasi direnean edo jada ekonomikoki errentagarriak ez direnean” hiltegira bideratzen dituzte animaliak.

Bestalde, urte eta erdiko ezkutuko jardunaren bidez antzemandako beste aspektu bat ere bistaratu nahi izan dute: hiltegietako lan baldintza gogor eta prekarioak. Adierazten dutenez, bisitatutako hiltegietako baten langile guztiak ziren migratzaileak. Beraien hitzetan: “Hiltegiotan sistemak zapaldutako langileak aritzen dira, sistemak zapaldutako gizakiz besteko animaliak akabatzen”.

Kontzientziak astintzea xede

Ikerketaren helburua zein den argi daukate NOReko kideek: “Lanaren bidez gogoeta piztu nahi dugu herritarren artean, hausnartzeko gizakiok zein motatako harremana dugun beste espezieetako animaliekin”. Hiltegi orotan animaliak bidegabeki hiltzen direla, ziurtasun osoz baieztatu dute. Bidegabekeria horren oinarrian gizakiak animaliekiko duen botere eta pribilegioak jartzen ditu Ikerketak, ikusleari digeritzeko zaila suertatu dakiokeen platera. Baina azken finean hori da helburua: platereko xerra hori borondatearen kontra hildako izaki bizidun batengandik datorrela ageriko egin eta haragi bilakatu arteko prozesuaren kate-begi diren hiltegietako jardunean arreta jartzea, indigestioa eragin dezakeen ariketa.

Manifestaziora deia

Kontzientziak astintzeaz aparte, Euskal Herriko mugimendu antiespezista eta honen baitako euskararen presentzia indartzeko helburua dauka NOR taldeak. Borroka horren baitan, Euskal Herri mailako manifestazioa deitu dute azaroaren 1ean Bilbon, zeina Moyua plazatik abiatuko den 17:00etan. Iruñea, Gasteiz, Donostia, Hendaia eta Eibarretik autobusak egongo dira.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Antiespezismoa  |  Euskal Herria

Antiespezismoa kanaletik interesatuko zaizu...
Akabatzearen negozioa argitara

Hiltegietako irudiak publiko egiteak kaltea eragiten dietela jakitun, animaliak hiltzea negozio bilakatu duten arduradunek hermetismo handia ezarri dute hiltegien inguruan.


Hiltegiak Euskal Herrian
MULTIMEDIA - erreportajea

Euskal Herrian 30 hiltegi inguru daude, eta beste horrenbeste inguruko zonaldeetan. Nor taldeko kideak horietako 10 hiltegitan sartu dira eta han gertatzen dena dokumentatzea lortu dute lehen aldiz. Azken hiru urteetan Euskal Herriko edo inguruetako hiltegietan grabatutako irudiak bildu dituzte bideo honetan.


2018-08-08 | ARGIA
Zezenketen kontrako manifestazioa izango da Donostian

Donostia Antitaurina Orain, Eguzki eta Askekintzak zezenketen kontrako manisfetazioa deitu dute abuztuak 11rako, hona hemen zabaldu duten mezua.


2018-06-29 | Askekintza
Gurean - Animalien erabilera Euskal Herriko festetan
MULTIMEDIA - dokumentala

Askekintzak Euskal Herriko festetako animalien erabileraren inguruan inoiz egin den dokumentazio lan handiena bildu du. Lau urtez (2014-2017) hainbat aktibistak ezkutuan grabatutako irudiekin osatutako dokumentala da. Informazio gehiago: http://askekintza.org/gurean/


2018-06-26 | Goiena
"Animalien sufrimendu gabeko jaiak" aldarrikatu dituzte Arrasateko zezen plaza aurrean

Arrasateko jaietan, hiru egunetan egiten dituzte entzierroak eta errekortari emanaldiak, eta Uluak Debagoiena Talde Antiespezistak ekintza hauen kontrako elkarretaratzea egin du, zezen plazaren kanpoaldean, Zure gozamena, haien sufrimendua lemapean. "Animalien sufrimendurik suposatzen ez duten jaiak nahi ditugu. Gaur, adibidez, txaranga bat jarri dugu hau aldarrikatzen, eta ikusi dugu jendeari gustatu zaiola planteatzen dugun alternatiba", azaldu du taldeko kide Maitane Uribek.


2018-06-04 | ARGIA
Aiuri Antiespezistak eta Eleak-Librek salatu dute
"Mozal Legea aplikatu digute eta gure borroka nahiak piztea besterik ez dute lortu"

Aiuri Antiespezistako militanteek, Eleak-Librerekin batera, prentsaurrekoa eskaini dute Ermuko plazan ostiral arratsaldean, erresistentzia pasiboa erabiltzeagatik Mozal Legea aplikatu dietela salatzeko. San Tomas egunean Donostian Ursula txerriaren erakusketa galarazten saiatuz, Askekintzak antolatutako ekintzan parte hartu zuten Aiuriko hiru kidek zigorra jaso dute.


7.200 euroko isuna jarri diete Mozal Legearekin Askekintzako kideei, Santo Tomas eguneko protestagatik

Askekintzak jakinarazi du Mozal Legea aplikatuz 7.200 euroko isuna jarri diela Donostiako Udaltzaingoak, Santo Tomas egunean egin zuten protestagatik. Asteartean prentsaurrekoa eskainiko dute.


Eguneraketa berriak daude