EHU

EHUko ordezkoek adierazi dute errektoretzak badakiela LOSUren "irakurketa maltzurra" egiten ari dela

  • Eva Ferreira EHUko errektoreak eta Federico Recart Irakasle eta Ikerketako errektoreordeak adierazi dute unibertsitate lege berriak dioela ordezkoak irakaskuntza lanetarako soilik kontratatu daitezkeela. 

Koordinadorak eta sindikatuek deituta protesta egin zuten asteazkenean Gasteizen, EHUren ikasturte hasierako ekitaldiaren parean. (Argazkia: EHUko Prekarioen Koordinadora)

2023ko irailaren 18an - 11:09
Azken eguneraketa: 15:08

EHUko irakasleen eta ordezkoen gatazkaren harira, aurreko astean adierazpenak egin zituzten Federico Recart Irakasle eta Ikerketako errektoreordeak eta Eva Ferreira errektoreak. EHUko Prekarioen Koordinadorak adierazpen "larri eta difamatzaileen" aurrean prentsa oharra kaleratu du.

Recartek azaldu zuen LOSU unibertsitate lege berriaren 80.1 artikuluak dioela ordezkoak irakaskuntza lanetarako soilik kontratatu daitezkeela, eta, ondorioz, ezin direla lanaldi osoko kontratuak eskaini. Kontratu horiek gehienez 800 euroko ordainsaria dute.

Koordinadorak, ordea, legearen irakurketa "murriztaile eta maltzurra" egitea egotzi dio errektoretza-taldeari, "badakielako legeak ordezko kolektiboari ikerketa ere ordaintzeko aukera ematen diola". Legearen aplikazio horrek irakasle horien jarraipena "bideraezin" bihurtu duela salatu dute, eta horrek enplegu egonkorra duten langileen lan-kargan eta ikasleek jasotzen duten irakaskuntzaren kalitatean eragiten duela: "Arazo horiek larriagotzen ari dira ikasturte hasiera honetan".

Koordinadoraren arabera, ordezkoek ikertu eta ikerketa horren emaitzak ikasgeletara eraman ohi dituzte. Gainera, euren karrera akademikoan aurrera egiteko ikertu egin behar dute. "Errektoretza taldearen asmoa da ikerketa gure poltsikoaren kontura egitea, aisialdi dinamika gisa eta denbora libre gutxirekin".

Recartek adierazi du orain arte ere horrela egin izan dela, eta lanaldi partzialak bateragarriak direla beste kontratu batzuekin. Ordezkoek adierazi dute prekarietatea EHUren "gaitz endemikoa" dela, baina LOSUren "aplikazio interesatuak" larriagotu egin duela prekarizatuta dauden zenbait kolektiboren egoera.

Recartek sindikatuekin eta koordinadorarekin negoziatzeko prest daudela adierazi zuen. Prentsa oharrean, koordinadorak errektoretzari egoera konpontzeko neurriak hartzeko eskatu dio. Bestalde, sindikatuei hurrengo hilabeteetako mobilizazio- eta greba-egutegiak zabaltzeko deia luzatu diete.


Kanal honetatik interesatuko zaizu: EHU
EHUk harremanak hautsiko ditu Palestinako sarraskia gaitzesten ez duten Israelgo unibertsitateekin

EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]


Palestinaren aldeko unibertsitate-sarea

EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]


2024-04-12 | Hiruka .eus
Itsasoaren gainazalaren tenperatura-igoerak makroalgetan izan duen eragina aztertu dute

Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]


EHUk Zibersegurtasun Katedra sortu du Israelgo unibertsitate bat erreferentzia hartuta

Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]


Eguneraketa berriak daude