Ehiztariak eta animalien eskubideen aldekoak kalera aterako dira igandean

  • Espainiako Estatuko ehiza federaziek manifestazioa deitu dute Estatuko 50 hiritan domekarako, ehiza “bizimodu” gisa defendatzeko. Hego Euskal herriko ehiza elkarteek bat egin dute deialdiarekin eta manifestazioak antolatu dituzte domekan Donostian eta Bilbon. Honi erantzunez, Askekintza talde antiespezistak animalien bizitzeko eskubidea aldarrikatzeko manifestaziora deitu du igande arratsaldean Donostian.

Maddi Txintxurreta @mtxintxurreta
2018ko apirilaren 13a
Irudia: Goiena

Euskadin ehiza bai! leloa zabaldu dute ehiztariek igandeko manifestaziorako. Donostian Easo plazatik aterako da, eguerdiko 12:00etan, eta Bilbon Arriaga plazatik aterako dira, ordu berean. Talde animalisten “presioa” salatu eta euren jarduna errespetatzea eskatuko dute. Era berean, Ulian ehizatzeko eskubidea aldarrikatuko dute.

Gipuzkoako Ehiza Federazioak Euskal Herri osoko kolektiboei zabaldu die deialdia, eta momentuz 20 doako autobus antolatu dituztela jakinarazi dute. Hego Euskal Herrian 90.000 pertsonak daukate ehizatzeko lizentzia.

Antolatzaileek “euren aurka manifestatzen direnei” erakutsi nahi diete “milaka” direla ehizaren “afizioa defendatzera” kalera aterako direnak: “Izan ere, ehiza etikoa, jasangarria eta arautua oreka ekologikoaren oraina eta etorkizuna da eta ehiztariak gara ingurumena zaindu eta babesteko lehenak”.

Euskadi Irratian, Gipuzkoako Federazioko ordezkariak animalien eskubideen alde egitea hiritartasunarekin lotu zuen, esanez hiritarrek ez dutela ulertzen “herrietako bizimodua, ohiturak eta zaletasunak”.

“Gure aisiarekiko alternatibak behar ditugu ehiztariok, gure afizioa egiten jarraitzeko ehiza egiteko aukera ez dagoen garaietan”, aldarrikatu dute ehiza federazioetatik. Bestalde, auto istripuak ekiditeko daukaten ahalmena azpimarratu nahi izan dute: “Animaliek eragindako istripuen %70a espezie zinegetikoek —ehizatzeko baimena dutenak— eragindakoak dira. beraz, ehiza da animalia horien poblazioak kudeatzeko eta kotxe istripuak gutxitzeko alternatiba”.

Manifestazio antiespezista

Igandean bertan, Askekintza talde antiespezistak Bulebarretik abiatuko du ehizaren aurkako manifestazioa, 17:00etan. Salatuko dute ehiztariek defendatu nahi duten “afizioa” animaliak hiltzeak eragiten dien plazera baino ez dela.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Animalien eskubideak  |  Donostia  |  Bilbo

Animalien eskubideak kanaletik interesatuko zaizu...
2018-10-31 | ARGIA
33.800 euroko isuna Mauleko hiltegiari

Bideo batek hautsak harrotu zituen 2016an, animalien babeserako L214 Frantziako elkarteak interneten zabaldua. Mauleko hiltegiko abereek jasaten zuten tratu txarra ageri zen bideoan eta elkarteak salaketa jarri zuen Paueko auzitegian, “animalienganako krudeltasuna” egotzita. Epaia atera da orain.


Akabatzearen negozioa argitara

Hiltegietako irudiak publiko egiteak kaltea eragiten dietela jakitun, animaliak hiltzea negozio bilakatu duten arduradunek hermetismo handia ezarri dute hiltegien inguruan.


Hiltegiak Euskal Herrian
MULTIMEDIA - erreportajea

Euskal Herrian 30 hiltegi inguru daude, eta beste horrenbeste inguruko zonaldeetan. Nor taldeko kideak horietako 10 hiltegitan sartu dira eta han gertatzen dena dokumentatzea lortu dute lehen aldiz. Azken hiru urteetan Euskal Herriko edo inguruetako hiltegietan grabatutako irudiak bildu dituzte bideo honetan.


Araba basatiaren istorioak

Araba ez da dirudien paradisua; behintzat fauna zaurgarria kontuan hartuz gero. Aldundiak hainbat espezie babesteko zortzi plan onartu ditu 2000. urtetik, baina galzorian edo oso egoera kezkagarrian daude oraindik hainbat animalia


2018-09-10 | ARGIA
Rubber birds instead of the real thing at Lekeitio's traditional Goose Day

During the festivities held in this town on the Basque coast the tradition, for three centuries, has been to rip the necks from hanging geese. This year more rubber than real geese have been used.


2018-09-05 | Nahia Ibarzabal
Lekeition gomazko antzar gehiago erabiliko da benetako hegaztiak baino

“Historikoa” hitzarekin laburbildu dute zenbait antolatzailek asteazken honetan Lekeition egingo den Antzar Eguna. Deiak jaso duenez, 56 gomazko antzar erabiliko dituzte, benetako antzarrak baino gehiago (34). Gainera, uretan ibiliko diren 90 ontzitik 24tan emakumek jardungo dute lepo-kentzaile.


2018-09-04 | Nahia Ibarzabal
Zornotzako idi-probak egiten jarraitu edo ez erabakitzeko erreferenduma eskatu dute

Ahots Gabeak mugimenduak sinadura bilketa hasi du change.org plataforman, erreferenduma bultzatzeko helburuarekin.


2018-09-04 | Nahia Ibarzabal
NOR Euskal Herria Antiespezista kolektiboa sortu da

Euskal Herri mailako mugimendu antiespezista “indartsu” eta “koordinatua” eratzea da taldearen helburua.


2018-08-23 | ARGIA
Zezenzaleen klubeko egoitzari eraso egin diote Iru˝ean

Animalien Askapenerako Fronteak aldarrikatu du ekintza: klubeko kristalak hautsi eta margoketak egin ditu klubari "kalte ekonomikoak" eragiteko helburuz.


2018-08-23 | ARGIA
Bilboko zezenketen kontrako manifestaziora joateko deia, eskuak gorriz tindatuta

Larunbatean manifestazioa antolatu du Bizkaiko zezenketen kontrako kolektibo animalistak, Bilboko Aste Nagusian Chopera enpresak udalaren kontzesioz bederatzi egunez jarraian Vista Alegre zezen-plazan antolatu dituen animalien hilketak salatzeko.


Eguneraketa berriak daude