EH Bilduk, PSNk eta Geroa Baik dieten itzulera oztopatuko dute Iruñeko Udalean
Iruñeko Udal Gobernua eskuratu eta berehala iragarri zuen Navarra Sumak, udal enpresetako kontseiluetan parte hartuko zuten euren ordezkariek dietak jasoko zituztela bileretan parte hartzeagatik.
Enrique Maya Iruñeko alkateak iragarri zuenez, Comiruña (merkatari txikiak), BCH (Iruñea Zentro Historikoa) eta Udalaren Operadore Energetikoaren enpresetako kontseiluetan parte hartzeagatik, bilerako 361 euro jasoko zuten Navarra Sumako hamalau ordezkarik. 2014a arte kargu publikoen dieten patrikaratzeak eskandalu handia ekarri zuen, bereziki Nafarroako Kutxako bileretara joateagatik jasotako dirutzengatik.
Aurreko legealdian, baina, gobernua sostengatu zuten lau indarrek kendu egin zituzten UPNk eta PSNk urte luzez mantendutako dieten sistemak. Diario de Noticias-ek kaleratu duenez, orain EH Bilduk, PSNk eta Geroa Baik akordioa lortu dute Comiruñan estatutuak aldatu eta teknikari gisa doazen udal ordezkariek ez dezaten dietarik jaso.
Agindutakoa bete dadin, Comiruñako Batzar Nagusiaren udal ordezkaritza ere aldatuko dute. Enrique Maya zen orain arte udalaren ordezkari, baina aurrerantzean Joseba Asiron izango da eta honen ordezko Maite Esporrín (PSN) eta Patxi Leuza (Geroa Bai) izango dira. Aurreko legealdian ez zituzten estatutuak aldatu udal ordezkariek uko egin ziotelako dietak eskuratzeari. Estatutuak aldatzeko bilera azaroaren 21ean egingo da Iruñeko udalean.
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]
Iruñeko Udalaren aginduz, Poliziak iazko azaroan hustu zuen Jarautako blokea, hainbat egunez hura setiatu ostean. Bloke Sozialistan zirenei elkartasuna adieraztera joan ziren bost pertsona salatu zituen UPNk, eta salaketak mantentzea erabaki dute EH Bilduk, Geroa Baik... [+]
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.