"Eguneroko jatekoa erostea ekintza politikoa dela ikusarazi nahi dugu"
“Elkarte txikia gara eta guretzat erronka handia da nazioarteko konferentzia hau antolatzea, baina gure errealitatea ikusarazteko aukera bikaina ere bada”, esan digu Alazne Intxauspe EHNE Bizkaia sindikatuko kideak, La Via Campesinaren VII. Nazioarteko Biltzarra inauguratu eta ordu gutxira. “Elikadura osasungarria denon eskubidea da”, azaldu du Intxauspek, “eta herri bakoitzak zer elikadura nahi duen erabakitzeko eskubidearen jabe izan behar du”.
Intxausperen berbetan, elikadura burujabetza ez da lortuko jendarte osoaren inplikazioarekin ez bada, are gutxiago elikagai ekoizleak, nekazariak eta arrantzaleak, gutxiengoa diren Euskal Herrian. “Eguneroko jatekoa erostea ekintza politikoa dela ikusarazi nahi dugu”, dio. Horregatik, beste eragile sozialekin elkarlanerako ematen ari diren pausoak garrantzitsutzat jotzen ditu EHNE Bizkaiako ordezkariak: “Bereziki, guretzat estrategikoa da Eskubide Sozialen Kartaren bidez sortutako aliantza. Bestalde, apirilean elikadura osasungarrirako eskubidearen aldeko manifestua kaleratu genuen gehiengo sindikalarekin batera, gaia agendan egon dadin beste urrats bat izan zen”.
Eusko Jaurlaritzako eta Bizkaiko Aldundiko ordezkariek ere hartu zuten hitza La Via Campesinaren Biltzarraren inaugurazioan. “Errealistak gara, eta badakigu ildo nagusiek, aurrekontuek… ez dutela bat egiten guk defendatzen dugun nekazaritza motarekin”, dio Intxauspek, “edozein kasutan elkarrizketa egon badago eta honek betiere kalte baino mesede gehiago egingo du hori indartze aldera”.
Politika publikoak udal eta eskualde mailan ere ematen direla gogorarazi du andoaindarrak, eta alde horretatik azken boladan “oso esperientzia interesgarriak” abiarazi direla azpimarratu du. “Politikak, azken batean, elikadura osasungarrirako eskubidea bermatu behar du”, berretsi du.
Larunbatean Derioko Nazioarteko Konferentziari amaiera eman eta gero, manifestazioa egin da igandean Bilbon, La Via Campesinak deituta. Moyua plazatik Zazpi Kaleetako Plaza Barrira arteko ibilbidea egin dute ia 2.000 lagunek, eta ondoren bazkaria izan da. Horren aurretik... [+]
Euskal Herriko Deia zabalduz amaitu da La Via Campesinaren VII. Nazioarteko Biltzarra Derion. Lau egunez eztabaidan aritu eta gero, biltzarraren ondorioak biltzen dituen adierazpena aurkeztu dute bi ordu inguruko ekitaldi hunkigarri batean. Mundu osoko 200 milioitik gora... [+]
Argentina iparraldeko Santiago del Estero probintziatik etorri da Deolinda Deo Carrizo La Via Campesinaren Nazioarteko Biltzarrera. Nekazari indigenen eskubideen alde borrokan diharduen MNCI (Nekazari Indigenen Mugimendu Nazionala) taldeko kidea da, baita mugimendu... [+]
La Via Campesinaren Nazioarteko Biltzarraren egitarau osagarriaren barruan, nekazarien eskubideen urraketari buruzko txostena aurkeztu zuten asteazkenean. EAEri dagokion atalaren egileak, Leticia Urretabizkaia EHUko ikerlari eta hezitzaileak, gurekin hitz egin zuen aurkezpena... [+]
Jendez mukuru izan da Derioko apaiztegi zaharreko eliza zena, Biltzarraren inaugurazio ekitaldian. Dantzak, kantuak eta musikak hartu dute lehenbiziko ordua, mezu politikoek bigarrena. Amaieran, azken urteetan La Via Campesinarekin bat egindako elkarte berrien aurkezpena egin... [+]