Ecoembes, birziklatzearen propaganda eginez plastikoaren murrizketa oztopatzen duen patronala

  • "Ardi-larruz jantzitako otsoa", horrela definitzen du Europako hainbat talde ekologistak egindako azterketa batek ECOEMBES konpainia espainiarra, Espainiako Estatuan udal eta mankomunitateek gaika bildutako plastiko eta ontzi-jendea ustez birziklatzen dituen enpresa.  plastikoekin lotutako 12.000 konpainia baino gehiago biltzen dituen sare boteretsua da ECOEMBES eta "Talking Transh" txostenak argitan jarri duenez bera da  Espainian administrazioek ontziak itzultzeko sistema –SDDR– ez zabalduaren errudun nagusia.


2020ko irailaren 24an - 06:27
Ecoembes konpainiak kudeatzen ditu ontzi arinak birziklatzeko administrazioek ezarritako zergen funsak.

Plastikoaren krisiaren irtenbide faltsuei buruz enpresa kutsatzaileek darabiltzaten trikimailuak biltzen dituen eskuliburua plazaratu du Changing Markets fundazioak, mundu osoko 15 herrialdetan edari, elikadura, supermerkatu, petrolio edo petrokimika enpresa handiek hondakinak murriztea sustatu nahiko luketen lege berriei ostopoak jartzeko darabitzaten teknikak azalduz. Espainiari dagokion atalean zehatz-mehatz erakusten du ECOEMBES patronala dela, hain zuzen plastiko eta gainerako ontziek sortutako kutsaduraren eragile nagusiak biltzen dituena, bere erantzukizunaz ez onartzeaz gain aurrerabideei aterak ixten dizkiena, lobby lan zorrotza eginez. El Salto egunkariak zabaldu du txostenaren berri Espainian.

Coca-Cola, Colgate-Palmolive, Danone, Mars Incorporated, Mondellz International, Nestlé, PepsiCo, Perfetti Van Melle, Procter & Gamble eta Unilever... 10 milioi tonako plastikozko aztarna diote munduari, uneotan planetak bizi duen plastiko-krisi larriaren erantzule nagusiak 10 korporazio handi horiek dira. Baina, gainera, beraiek dira greenwashing eginez promesa hutsak egin eta irtenbide faltsuen propaganda eginez kontsumitzaileak eta bezala gobernuak distraitzen dituztenak.

Espainiari eskainitako atalean Ecoembes eta bere lobby estrategia aipatzen ditu ikerlanak, plastiko eta beste ontzien ekoizle eta banatzaile handiekin batera ahalegintzen delako administrazio publikoek ontzi itzulgarrien sistema (Espainian SDDR deitzen dena, Sistema de Deposito, Devolucion y Retorno) ezartzeko egiten dituzten saiakerei eten gabe oztopoak jartzen. Ekologiaren eta birziklatzearen aldeko mugimenduek sarritan azaldu adute SDRRTresna horrek latak eta botilak % 90 baino gehiago berrerabiltzea eta/edo birziklatzea lortzen du.

Ecoembes arduratzen da ontziratze-enpresei haiek sortutako plastikoa birziklatu dadin ezarri dizkien zergekin osatutako diru-funtsa kudeatzeaz. Ecoembalajes España SA enpresak kontrolatzen du eta plastikoekin lotutako 12.000 konpainia baino gehiago biltzen dituen enpresa sare boteretsua da. Ecoembesen kontsumo markarik aipagarrienak dira Bimbo, Pascual, Campofrío, Coca-Cola, Colgate, Danone, Henkel, L 'Oreal, Nestlé eta PepsiCo. Plastikozko ontzien ekoizleen artean Tetra Pak Hispania, Ciclopast eta Ecoacero daude. Ecoembesen barruan daude supermerkatu kate handiak ere, Alcampo, Carrefour eta abar.

SDDR mankina bat Cadaques herriko (Katalunia) kale batean. Plastikozko ontzien murrizteko sistema oso eraginkorra den sistema hau antzeko itxura duten formulekin oztopatu nahi du Ecoembesek, diote ekologistek.

Residuo Cero aliantzan biltzen diren Ekologistak Martxan, Lurraren Lagunak eta Retorna erakundeek salatu dute, Ecoembesek azken aldian asmatu duen iruzur berria: "Estatu espainiarrean SDDRren ezarpena ezartzeko ordez hari iruzur egiteko azken saiakeretako bat da Ecoembesen Reciclos proiektua da Sistema Recompensa (SDR) izenekoa, hondakinak edukiontzi horian edo leku publikoetan instalatutako makinetan uzten dituztenak sarituko lituzkeena. Iruzur bat, soluzio faltsu faltsu bat arazoena konpontzen ez duena eta ontziak benetan itzultzeko balio iduen SDDR administrazioek ez ezartzea lortu nahi duena", esan du Ekologistak Martxaneko Carlos Arribasek. 

Ustez birziklatzearen katean betekizun zentrala burutzen duen Ecoembesek justu alderantzizko lana egiten duela erakutsi du Changing Marketsen azterlanak: "Erabili eta botatzeko plastikoen alternatiben aurkako iritzi-egoera bat sortzeko diru asko inbertitzen dituzte". Alberto Vizcaino ingurumen aholkulariak esan duenez, plastikozko kutsaduraren erantzule diren konpainiok "datuak manipulatzen dituzten ikerketak finantzatu dituzte, koloretako edukiontzietan oinarritutako hondakinen kudeaketaren benetako emaitzekin bat ez datozen estatistikak argitaratzen dituzte, eta elkarte ekologistak eta naturaren aldekoak finantzatzen dituzte, baita ingurumen-hezkuntzako kanpainak ere, herritarren kritikak geldiarazteko eta gizartearen eta komunikabideen aurrean ingurumen-diskurtsoaren nagusi izateko".


Kanal honetatik interesatuko zaizu: Hondakinen kudeaketa
Plastiko-fabrikatzaileek iruzur egin dutela erakusten du txosten batek

Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.


Zaldibarko zabortegiaren hondamendia gogoratu dute laugarren urteurrenean

Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.


2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


Aierdik dio Artaxoan ez zela jaso behar Gipuzkoatik zetorren inongo hondakin likidorik

Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]


Eguneraketa berriak daude