ECNko langile bat amiantoaz lan egiteagatik hil dela baieztatu du EAEko Auzitegi Gorenak
Zendutako langilearen alargunari gaixotasunengatik hildakoei ematen zaien prestazioa ukatu zion Gizarte Segurantzak. Epaitegietara jo ostean, EAEko Auzitegi Gorenak baieztatu du langilea amiantoak hil zuela, Gizarte Segurantza derrigortuz honen alargunari diru-saria onartzera.
Echeverria Cablerias del Norte enpresako langile izandako Rodolfo N. 2017an zendu zen pleurako mesotelioma baten ondorioz, amiantoak duen arbestoa arnastearren eratu ohi den minbizidun tumorea. Zendutakoa igeltsero aritu zen Gasteizko ECN enpresan 1966 eta 1997 artean, eta babes neurri nahikorik gabe konpondu zituen uralitazko sabaiak eta tximiniak, baita amiantozko adreiluekin eraikitako galdaren mantentze lanez arduratu ere.
Gizarte Segurantzak zendutakoaren alargunari ukatu egin zion gaixotasunengatik hildakoei ematen zaien prestazioa, eta hargatik jo zuen epaitegietara. Gasteizko Epaitegitik pasa zen lehenbizi kasua, eta hark esandakoa berretsi du EAEko Auzitegi Gorenak: Rodolfo N.-ren gaixotasuna amiantoarekin lan egitearen ondorioz garatu zela. Hala bada, epaia hori izanik, Gizarte Segurantzak diru-saria eman biharko dio aurrerantzean alargunari.
Asviamie amiantoaren biktimen elkarteak positibotzat jo du epaiara, “mesoteliomaren jatorri profesionala erakusten duelako eta egia ezkutatzeko Gizarte Segurantzak, Mutualiak eta ECN enpresak egin dituzten saiakerak zapuzten dituelako”.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]