Kepa Pikabea preso hernaniarrak egindako eskaera ez aintzat hartzea erabaki du Konstituzionalak. Ez da kasua aztertzera sartu ere egin, bere ustez ez baitago eskubide urraketarik Gorenak bere ebazpenean hartutako erabakian.
2014ko abenduan Espainiako Auzitegi Nazionaleko Lehen Sekzioak Santiago Arrozpide, Alberto Plazaola, Rafael Caride eta Pakito Mujikaren espetxe zigorrak berrikustea agindu zien hauen kartzelei eta kontuan hartzea –Europar Batasunak eskatzen duen gisan– presoek Frantzian egindako espetxe denbora.
Auzitegi Nazionaleko fiskaltzak, alabaina, helegitea jarri zion erabakiari eta Auzitegi Gorenera eraman zuen; honek atzera bota zuen Lehen Sekzioaren erabakia, esanez Europako zuzentarauak ez ziela eragiten preso hauei. Eta hala erabaki ahal izan zuen, PPk 2014ko abenduaren 3an lege organiko bat onartu zuelako esanez Europako arau horrek ez ziela eragingo EBn 2010. urtea baino lehenago jarritako zigorrei.
Orain, Konstituzio Auzitegiak berretsi egin du Gorenaren tesia, esanez honek ez zuela hartu presoari etzeraeraginez eragingo zion neurririk. Goreneko zein Konstituzionaleko magistratuak, dena den, zatituta daude gaiarekiko. Goreneko epaian bederatzi magistratuk presoen babes eskariaren aurka egin zuten eta seik alde; Konstituzionalean zazpik aurka egin zuten eta bostek alde.
Orain, gaia Estrasburgoko Auzitegira eramango da, baina honek erabaki orduko urteak pasa daitezke.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.