EAJk izan ezik, alderdi guztiek Donostian Miramar jauregian hotel bat eraikitzearen aurka egin dute

  • Donostiako Miramar jauregian hotel bat egiteko eskaera atzera bota dute Gipuzkoako Batzar Nagusiek. EAJk izan ezik, PSEk, PPk eta Ahal Duguk EH Bilduren proposamena babestu dute eta jauregiaz arduratzen diren Foru Aldundiko ordezkariei ere ezezkoa bozkatzeko gonbita luzatu diete. Jeltzaleek diote ez dela “aukerarik baztertu behar jauregiaren gastu ekonomikoei aurre egiteko".

Miren Osa Galdona @Mirentx_U
2018ko urtarrilaren 16a

Musikenek Miramar jauregia utzi zuenetik, kolokan dagoela diote eraikinaren sostengu ekonomikoa. Kusaal sozietateak, Donostian kongresuak antolatzeaz arduratzen den taldeak, azaroan eman zuen jauregiaren gastu ekonomikoei aurre egin ahal izateko hotel bat eraikitzearen ideia.

Denis Itxaso Foru Aldundiko kultura diputatuak adierazi du galera ekonomiko horiek ez dutela justifikatzen hotel bat egiteko asmoa. “Miramar jauregia gipuzkoarron ondarea da eta gure egitekoa eraikina babestea da”. Gainera, epe laburrean Donostiako turismo eskaintza handitu egingo dela jakinarazi du: “Datozen urteetan Donostian eta inguruetan 2.000 plaza gehiago egongo dira. Nahikoa dira hiriak duen beharrei erantzuteko, ondare publiko bat pribatizatu beharrik gabe”. Ahal Duguko bozeramaileak nabarmendu du EAJk “baliabide publikoak pribatizatzeko eta merkantilizatzeko duten gogoaren" ondorio dela. Batzar Nagusiak hartutako erabakia errespetatzeko eskatu die jeltzaleei eta foru aldundiari.

Bestalde, Marije Zelaia EAJko Aldundiko bozeramaileak esan du egoera ekonomikoa kontuan hartu behar dela erabakia hartzeko orduan. “Konponbideak bilatu behar dira Miramar jauregiaren arazo ekonomikoei aurre egiteko; bakar bat ere baztertu gabe”. Jauregiaren ondare arkitektonikoa, historikoa eta kulturala aintzat hartu beharreko faktoreak direla adierazi du. Kursaal sozietatearen txostenetik abiatuta, Foru gobernuak beste bi proposamen eskatu dituela azaldu du Zelaiak eta oraindik emaitzen zain daudela.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Turismoa  |  Donostia

Turismoa kanaletik interesatuko zaizu...
2018-08-06 | Kalea guztiona da
Donostian ere "kalea denona da"

Pasa den astean Donostiako udaltzainek Alde Zaharreko haur batzuei Plaza Berrian jolastea debekatu zieten. Udal ordenantzaren arabera (Zumaiako alkateak aurkeztu duen Mozal Ordenantzaren kopia) baloarekin ezin dela jolastu argudiatuta. Mozal Ordenantzak dioenez Trinitate plazan baino ezin da jolastu pilotarekin Alde Zaharrean.


2018-08-06 | Axier Lopez
Turistentzako ongi etorri instituzionala errefuxiatuei berbideratu diete herritarrek Bilbon

Bilboko Erriberako eraikin batean Eusko Jaurlaritzak jarritako publizitate olanaren mezua moldatu dute hatzailea aldatu eta errefuxiatuen gaiari ikusgarritasuna emateko. Sarean zabalpen handia izan du ekimenak. Turistentzat "Euskadi helmuga ireki eta erosoa" dela iragartzeko, Eusko Jaurlaritzaren udako kanpainaren mezu nagusiari aurrez aurre jarri diote erakundeen migranteekiko jokabidea.


2018-07-27 | Lander Arretxea
Eta zuk, zer turistifikatzen duzu?

Izan duen gorakadak hauspotuta, asko idatzi da bazterrotan turismo masiboaz eta haren ondorioez. Asko egin eta idatziko da oraindik; baina komeni da, jasaten den horretan fokoa jartzeaz gain, eragiten den horretan ere jartzea. Noiz gara gu eta gure bizilagunak inguru bat eraldatzen duen turista?


2018-06-21 | ARGIA
Gipuzkoako Diputazioaren turismoko berrikuntza saria, Aparture elkartearentzat

Aparture Euskadiko Etxebizitza Turistikoen Elkarteak jaso du Gipuzkoako Foru Aldundiaren Turismoko Berrikuntza Saria, "Gipuzkoako turismo ereduan berrikuntzari eskaintzen dion balioagatik".


2018-06-19 | ARGIA
Hasi da turismo denboraldia, baita protestak ere Bartzelonan: GŁell parkean kateatu dira ekintzaileak

Bartzelonako Güell parkean Arran gazte erakundeko hainbat kide kateatu egin dira eta turismo masiboaren aurkako pankartak zintzilikatu dituzte.


2018-05-30 | Miren Osa Galdona
Ostalaritzako kontratuen erdiak astebete baino gutxiago iraun zuten iaz EAEn

Espainiako Gobernuak emandako datuek turismoaren beste aldea erakutsi dute: sinatzen diren kontratuen %46k astebete baino gutxiago irauten dute. Autonomia erkidego batzuetan, ordea, kopurua erdiraino iristen da, EAEn kasu.  


2018-05-24 | ARGIA
Azken txanpan sartu da Bizitza Da Handiena: pentsiodunen manifestazioa eta okupazioaren azken gaua

Maiatzaren 19tik 26ra Donostiako kaleetara ateratzeko dei egin du Bizitza da Handiena kanpainak. "Agintetik aurrera eramaten ari diren herritarron aurkako politiken aurka" eta "herritarron kapitalaren alde" egitea du helburu, eta hainbat sindikatu eta herri mugimenduk atxikimendua adierazi dute sare sozialetan. Turismoaren Mundu Erakundea asteartean iritsi da Donostiara, eta Bizitza Da Handienak ekimen ugari antolatu ditu horren kontra.


2018-05-22 | Miren Osa Galdona
Kezka sortzen dio Donostiako Turismo Elkarteko zuzendariari Bizitza Da Handiena kanpainak

Euskadi Irratiko Faktoria saioan elkarrizketatu dute astelehen goizean Manu Narvaez Donostiako Turismo Elkarteko zuzendaria. Turismoaren Munduko Erakundeak asteazkenetik ostiralera egingo duen goi bileraren harira, ekitaldiak hirian izan dezakeen eragina izan du ardatz solasaldiak.


2018-05-16 | Miren Osa Galdona
Euskarak ez du lekurik izango Donostiako Turismoaren Goi Bileran

Kursaalen bilduko dira Turismoaren Mundu Erakundeko 300 ordezkari maiatzaren 23tik 25era.


Zer da Donostian goi-bilera egingo duen Turismoaren Mundu Erakundea?

Turismoaren Mundu Erakundeko (UNWTO) Kontseilu Exekutiboa Donostian izango da maiatzaren 23tik 25era. Erakundearen 108. bilkura izango da Euskal Herrian egingo dena, eta 70 estatutako 300 ordezkari etorriko dira.


Azkenak
EGILEA
Eguneraketa berriak daude